రేణుకా చౌదరి నవ్వుపై పోస్ట్: బీజేపీ క్షమాపణ చెప్పాలని కాంగ్రెస్ ఎంపీల డిమాండ్
Recommended Video
న్యూఢిల్లీ/హైదరాబాద్: కాంగ్రెస్ పార్టీ రాజ్యసభ సభ్యులు రేణుకా చౌదరిపై కేంద్రమంత్రి కిరణ్ రిజిజు వీడియోపై కాంగ్రెస్ పార్టీ తీవ్ర ఆగ్రహం వ్యక్తం చేస్తోంది. దీనిపై బీజేపీ క్షమాపణ చెప్పాలని కాంగ్రెస్ సభ్యులు సభలో డిమాండ్ చేశారు. మరోవైపు తాను కిరణ్ రిజిజుపై ప్రివేలేజ్ మోషన్ ఇస్తానని చెప్పారు.
కాగా, రేణుకా చౌదరిని టార్గెట్ చేస్తూ కిరణ్ రిజిజు వీడియోను షేర్ చేసిన విషయం తెలిసిందే. రామాయణంలో శూర్పణక నవ్వుతున్న వీడియోను ఆయన పోస్టు చేశారు.
బుధవారం సభలో రేణుకా చౌదరి నవ్వడాన్ని ఉద్దేశించి.. రామాయణం సీరియల్ తర్వాత అంతటి నవ్వును వినే భాగ్యం మనకు ఈ రోజే దక్కిందని ప్రధాని మోడీ అన్నారు.
రామాయణంలోని ఏ పాత్రకు రేణుకా చౌదరి సరిపోలుతారనే విషయాన్ని మోడీ చెప్పలేదు. ఆ విషయాన్ని చెప్పడానికే అన్నట్లు కిరణ్ రిజిజు వీడియో పోస్టు చేశారు. శూర్పణఖ వికటంగా నవ్వుతున్న వీడియోను పోస్టు చేశారు.