ఎయిర్ హోస్టెస్‌ని తాకాడు, రహస్యంగా వీడియో: లా విద్యార్థి అరెస్ట్

హైదరాబాద్: విమానంలో ఎయిర్ హోస్టెస్‌ను వీడియో తీసి, తాకిన ఓ లా విద్యార్థిని పోలీసులు సోమవారం నాడు అదుపులోకి తీసుకున్నారు. ఉత్తర ప్రదేశ్ బోరక్ పూర్‌కు చెందిన ప్రణవ్ అనే యువకుడు బెంగళూరు నుంచి హైదరాబాదుకు విమానంలో ప్రయాణించాడు.

ఈ సందర్భంగా ప్రణవ్ విమానంలో విధులు నిర్వర్తించే ఎయిర్ హోస్టెస్‌ను వీడియో తీశాడు. అతని ప్రయత్నాన్ని గమనించిన ఎయిర్ హోస్టెస్ అభ్యంతరం చెప్పినా అతను వినలేదు. దీంతో సదరు ఎయిర్ హోస్టెస్ శంషాబాద్ విమానాశ్రయ పోలీసులకు ఫిర్యాదు చేసింది.

దీంతో ప్రణవ్ పైన పోలీసులు కేసు నమోదు చేశారు. ప్రణవ్ శామీర్ పేట నల్సార్ విశ్వవిద్యాలయంలో లా చదువుతున్నాడు. ఆదివారం సాయంత్రం అతను ఇండిగో విమానంలో బెంగళూరు నుంచి హైదరాబాద్ వస్తున్నాడు.

విమానంలో ఎయిర్ హోస్టెస్‌ను అతను తన మొబైల్ ద్వారా వీడియో చిత్రీకరించడంతో పాటు ఫేస్‌బుక్‌లో అప్ లోడ్‌కు యత్నించాడు. నిందితుడు ప్రణవ్ ఎయిర్ హోస్టెస్‌ను ఆమెకు తెలియకుండా టచ్ చేశారని, రహస్యంగా ఆమెను వీడియో తీశారని పోలీసులు తెలిపారు.

English summary

A final year student of Nalsar Law University was arrested on Monday for touching and taking video clips of an air hostess on board an Indigo flight from Bengaluru.