#Narayana College

కార్పోరేట్ కాలేజీలకు జగన్ సర్కార్ భారీ షాక్..నారాయణ, చైతన్య ఆటలు సాగవిక...
#Narayana College

ఎంసెట్ లీకేజీ కేసులో చైతన్య జూనియర్ కాలేజీ డీన్, ఏజెంట్ అరెస్ట్
#Narayana College

నారాయణ ఐ ఐ టీ లో ఉరి వేసుకుని విద్యార్థి ఆత్మహత్య
#Narayana College

'దిక్కున్న చోట చెప్పుకో.. ఎందుకు బతికున్నావ్.. చచ్చిపో': నారాయణలో మరో దారుణం..
#Narayana College

నారాయణ టేపుల కలకలం: శ్రీలత కేసు తవ్వుతున్నారు, డొంక కదులుతోందా?
#Narayana College

నారాయణ 'ఆడియో టేపు': నవీన్ అరెస్ట్, నోరు విప్పితే లోగుట్టు బయటపడే ఛాన్స్!

సంచలనం: నారాయణ కాలేజీ ప్రిన్సిపాల్ 'ఆడియో టేపు' లీక్, దిగ్భ్రాంతికర విషయాలు (వీడియో)

నారాయణ విద్యా సంస్థలకు సంబంధించి మరిన్ని దిగ్భ్రాంతికర విషయాలు వెలుగుచూశాయి.

| Updated: Friday, November 3, 2017, 10:54 [IST]

లైంగిక వేధింపులు

గతంలో ఆత్మహత్య చేసుకున్న శ్రీలత అనే ప్రిన్సిపాల్ వేధింపుల వల్లనే బలవన్మరణానికి పాల్పడినట్టు వీరిద్దరి మధ్య సంభాషణ సాగింది. ఉన్నతాధికారుల లైంగికంగా సహకరించకపోతే బ్లాక్ మెయిల్ చేస్తుంటారని వీరి సంభాషణలో వెల్లడైనట్టు తెలుస్తోంది. హైదరాబాద్ శివార్లలోని వనస్థలిపురంలో ఉన్న నారాయణ గెస్ట్ హౌస్ అరాచకాలకు అడ్డాగా మారిందని చర్చించుకున్నారు.

భారీ ఆస్తులు

నారాయణ యాజమాన్యంలో కీలకంగా వ్యవహరిస్తున్న ఓ వ్యక్తి భారీగా ఆస్తులు పోగేసుకున్నట్టు ఆడియో టేపులో వెల్లడైంది. అతని సొంతూరితో పాటు హైదరాబాద్ లాంటి ప్రాంతాల్లో అతను అక్రమంగా భారీ ఆస్తులు సంపాదించినట్టు వారి సంభాషణల్లో స్పష్టమైంది. ఈమూ పెంపకం కేంద్రం, సువిశాల ఫామ్ హౌస్, పొలాలు, జూబ్లీహిల్స్ లో బంగళా, హబ్సీగూడలో పెద్ద అపార్ట్ మెంట్స్ భవనం, సర్వే ఆఫ్ ఇండియాలో ఖాళీ స్థలం తదితరాలు అతని పేరు మీద ఉన్నట్టు సరిత ఫోన్ సంభాషణలో చెబుతున్నారు.

నోట్ల రద్దు సమయంలో

టీచర్ల మధ్య సంబంధాలు, లైంగిక వేధింపుల ప్రస్తావన కూడా వీరి సంభాషణలో వచ్చింది. నోట్ల రద్దు సమయంలో తాను స్వయంగా రూ. 5 లక్షలు మార్చానని, తన వద్ద ఉన్న కరెన్సీ మార్చలేక గిలగిలా కొట్టుకున్నాడని జోకులేసుకున్నారు. అయితే అలా గిలగిలా కొట్టుకున్న వ్యక్తి ఎవరన్న దానిపై ఆడియోలో క్లారిటీ లేదు.

గొంతు నాదే.. కానీ!

ఆడియో టేపు బయటకు రావడంతో నారాయణ యాజమాన్యానికి చెందిన సరిత తార్నాక పోలీస్ స్టేషన్ లో ఫిర్యాదు చేశారు. తనను వేధించడానికే.. తనతో ఫోన్ మాట్లాడిన వైస్ ప్రిన్సిపాల్ నవీన్ ఈ ఆడియో టేపు లీక్ చేశాడని ఆమె ఫిర్యాదులో పేర్కొన్నారు. ఆడియో టేపులో ఉన్న గొంతు తనదే అని, కానీ ఆ స్క్రిప్టు మాత్రం మార్చేశారని సరితా ఆరోపిస్తున్నారు.

మరోవైపు తన సెల్ ఫోన్ ను హ్యాక్ చేసి, రికార్డులను తస్కరించారని, తనను హత్య చేస్తారన్న భయం ఉందని వైస్ ప్రిన్సిపాల్ నవీన్ కూడా పోలీసులను ఆశ్రయించడం గమనార్హం.

భగ్గుమన్న విద్యార్థి సంఘాలు

ఇప్పటికే విద్యార్థుల ఆత్మహత్యలతో నారాయణ విద్యా సంస్థలు అప్రతిష్టను మూటగట్టుకున్నాయి. తాజాగా వెలుగుచూసిన ఆడియో టేపు నిర్వాకంతో విద్యార్థి సంఘాలు భగ్గుమంటున్నాయి. రామాంతపూర్ నారాయణ బ్రాంచ్ పై దాడి చేసిన విద్యార్థి సంఘాలు ఫర్నీచర్ ధ్వంసం చేశారు. విద్యాసంస్థల అధినేత నారాయణకు వ్యతిరేకంగా నినాదాలు చేశారు.