మేడారం చిన్న జాతర తేదీలు ఖరారు: ఫిబ్రవరి 24 నుంచే, నాలుగు రోజులు
హైదరాబాద్: తెలంగాణతోపాటు ఇతర రాష్ట్రాల ప్రజలు ఆరాధ్య దైవంగా కొలిచే సమ్మక్క సారలమ్మ మేడారం చిన్న జాతర(మండల మెలిగే పండగ) తేదీలను ఆలయ పూజారులు ప్రకటించారు. ఫిబ్రవరి 24 నుంచి 27 వరకు చిన్న జాతర నిర్వహించనున్నట్లు తెలిపారు. నాలుగు రోజులపాటు జరిగే ఈ జాతరలో భాగంగా నిత్యం జరిగే కార్యక్రమాల వివరాలను వెల్లడించారు.
జాతరలో మొదటి రోజైన 24న సమ్మక్క-సారలమ్మ అమ్మవార్ల ఆలయాన్ని శుద్ధి చేయడంతోపాటు గ్రామ ద్వార స్తంభాలను స్థాపించనున్నారు. 25న అమ్మవార్లకు పసుపు, కుంకుమతో అర్చన చేస్తారు. ఫిబ్రవరి 26న భక్తులు అమ్మవారిని దర్శించుకోవచ్చని తెలిపారు.
సమ్మక్క-సారలమ్మలకు ప్రత్యేక పూజా కార్యక్రమాల అనంతరం ఫిబ్రవరి 27వ తేదీన జాతర ముగియనుంది. ఈ సంవత్సరం చిన్న మేడారం వచ్చే భక్తులకు ఎలాంటి అసౌకర్యం కలగకుండా పూర్తిస్థాయి ఏర్పాట్లు చేస్తున్నారు ఆలయ కమిటీ, పూజారులు .
జయశంకర్
భూపాలపల్లి
జిల్లా
తాడ్వాయి
మండలం
మేడారం
సమ్మక్క-సారలమ్మ
చిన్న
జాతర
తేదీలు
ఖరారు
కావడంతో
సోమవారం
నుంచి
పనులు
ప్రారంభం
కానున్నాయి.
జాతీయ
స్థాయిలో
గుర్తింపు
పొందిన
సమ్మక్క-సారలమ్మ
మేడారం
జాతర
ప్రతి
రెండేళ్లకోసారి
వైభవంగా
జరుగుతుంది.
ఈ
రెండేళ్ల
మధ్య
సంవత్సరంలో
చిన్న
జాతర
నిర్వహిస్తారు.