• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

మునావర్ ఫారూఖీ షో రగడ: ఎమ్మెల్యే రాజాసింగ్ హౌస్ అరెస్ట్; షో రద్దు చేస్తారా?

|
Google Oneindia TeluguNews

స్టాండప్ కమెడియన్ మునావర్ ఫారూఖీ షో కు తెలంగాణ రాష్ట్ర ప్రభుత్వం అనుమతినిచ్చిన సంగతి తెలిసిందే. అయితే మునావర్ ఫారూఖీ షోను అడ్డుకోవాలని బీజేపీ ఎమ్మెల్యే రాజాసింగ్ పిలుపునిచ్చారు. గతంలోనే కమెడియన్ మునావర్ ఫారూఖీ షో ను అడ్డుకుంటామని, వస్తే కొట్టి పంపిస్తామని, షో జరిగే ప్రదేశాన్ని తగలబెడతామని, ఎట్టి పరిస్థితుల్లోనూ ఈ షోకు అనుమతించవద్దని హెచ్చరికలు జారీ చేశారు బిజెపి ఎమ్మెల్యే రాజాసింగ్. తాజాగా మరోమారు మునావర్ ఫారూఖీ షోను అడ్డుకుంటామని, బిజెపి కార్యకర్తలు ఆన్లైన్లో టికెట్లు తీసుకున్నారని, కచ్చితంగా దాడి చేసి తీరుతామని హెచ్చరికలు జారీ చేసిన నేపథ్యంలో తెలంగాణ పోలీసులు అప్రమత్తమయ్యారు.

హైదరాబాద్‌లో మళ్ళీ కాకరేపుతున్న మునావర్ ఫారూఖీ షో.. తగలబెట్టేస్తామని రాజాసింగ్ సీరియస్ వార్నింగ్హైదరాబాద్‌లో మళ్ళీ కాకరేపుతున్న మునావర్ ఫారూఖీ షో.. తగలబెట్టేస్తామని రాజాసింగ్ సీరియస్ వార్నింగ్

 ఎమ్మెల్యే రాజా సింగ్ హౌస్ అరెస్ట్

ఎమ్మెల్యే రాజా సింగ్ హౌస్ అరెస్ట్


ఇక ఈ షోను అడ్డుకుంటామని ప్రకటించిన బీజేపీ ఎమ్మెల్యే రాజాసింగ్ ఇంటికి భారీగా పోలీసులు చేరుకున్నారు. ఎమ్మెల్యే రాజాసింగ్ ను పోలీసులు హౌస్ అరెస్టు చేశారు. ముందు జాగ్రత్త చర్యగా రాజాసింగ్ ను అరెస్టు చేస్తామని గోషామహల్ పోలీసులు చెబుతున్నారు. హిందూ దేవతలను అవమానించిన మునావర్ ఫారూఖీ షో ను ప్రభుత్వం ఆపకుంటే జరిగే పరిణామాలకు ప్రభుత్వమే బాధ్యత వహించాల్సి వస్తుందని రాజాసింగ్ తేల్చి చెబుతున్నారు. ప్రస్తుతం రాజాసింగ్ ఇంటి వద్ద భారీగా మోహరించిన పోలీసులు ఆయనను బయటకు రాకుండా అడ్డుకుంటున్నారు.

మాదాపూర్ డీసీపీ కార్యాలయం వద్ద భారీగా పోలీసు బలగాలు

మాదాపూర్ డీసీపీ కార్యాలయం వద్ద భారీగా పోలీసు బలగాలు


ఇక మాదాపూర్లోని డిసీపి కార్యాలయం దగ్గర కూడా పోలీసులు సెక్యూరిటీని టైట్ చేశారు. ఫారూఖీ షో లో దాడి జరిగితే దానికి మంత్రి కేటీఆర్ బాధ్యత వహించాలని రాజా సింగ్ తేల్చి చెప్పారు. తన వల్ల ఇప్పటి వరకు ఎక్కడా శాంతిభద్రతల సమస్య రాలేదని, తనను పోలీసులు ఎందుకు అడ్డుకుంటున్నారో చెప్పాలని రాజాసింగ్ ప్రశ్నిస్తున్నారు. ధర్మం కన్నా తనకు పార్టీ ముఖ్యం కాదని పేర్కొన్న ఆయన హిందూ దేవుళ్లను కించపరిచే వారి కామెడీ షో లకు ప్రభుత్వం ఎలా అనుమతి ఇస్తుందో చెప్పాలంటూ మండిపడుతున్నారు.

 బీజేపీ వద్దన్నా సరే మునావర్ ను వదిలేది లేదన్న రాజా సింగ్, అనుమతిపై సందిగ్ధం

బీజేపీ వద్దన్నా సరే మునావర్ ను వదిలేది లేదన్న రాజా సింగ్, అనుమతిపై సందిగ్ధం


బిజెపి నాయకులు వద్దన్నా సరే తాను అడ్డుకుని తీరుతా అని తేల్చి చెబుతున్నారు రాజాసింగ్. ఇదిలా ఉంటే హైదరాబాద్ లోని శిల్పకళా వేదికలో శనివారం రోజు మునావర్ ఫారూఖీ షో జరగాల్సి ఉండగా పదిహేను రోజుల క్రితమే ఈ కామెడీ షోకు నిర్వాహకులు అనుమతి తీసుకున్నారు. అయితే అనుమతి పత్రంలో మునావర్ ఫారూఖీ పేరును పేర్కొనలేదు. దీంతో పోలీసులు అనుమతి ఇచ్చారు.ఇప్పుడు అదే రాజా సింగ్ ఆగ్రహానికి కారణంగా మారింది.

 షో అనుమతి రద్దు అంశాన్ని పరిశీలిస్తున్న పోలీసులు

షో అనుమతి రద్దు అంశాన్ని పరిశీలిస్తున్న పోలీసులు


అనుమతి ఇచ్చిన తర్వాత ఇప్పుడు మునావర్ ఆ షోలో పాల్గొంటున్నట్టు తెలిసిందని, దీనిపై విచారణ జరుపుతున్నామని, అన్ని అంశాలపై పూర్తి స్పష్టత వచ్చిన తర్వాతనే కామెడీ షో పై తుది నిర్ణయం తీసుకుంటామని పోలీసులు చెబుతున్నారు. ఇక తాజాగా రాజాసింగ్ హెచ్చరికల నేపథ్యంలో రాజాసింగ్ ను హౌస్ అరెస్ట్ చేయడంతో పాటుగా, మునావర్ ఫారూఖీ షో ను పూర్తిగా రద్దు చేసే విషయాన్ని పోలీసులు పరిశీలిస్తున్నారు.

English summary
Comedian Munavar Faruqui's show will be held again in Hyderabad. Police house arrested MLA Rajasingh after Rajasingh warned that if the show is held, they will be kicked out.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X