బాలకృష్ణ కంటే ముందే జూ.ఎన్టీఆర్కు నారా బ్రాహ్మణి సర్ప్రైజ్ గిఫ్ట్, భావోద్వేగం
Recommended Video
హైదరాబాద్: నటుడు జూనియర్ ఎన్టీఆర్ నటించిన అరవింద సమేత చిత్రం ఘన విజయం సాధించింది. నాన్ బాహుబలి చిత్రాల రికార్డులను కొల్లగొట్టింది. ఈ సినిమా సక్సెస్ మీట్కు ఎన్టీఆర్ బాబాయి, హిందూపురం ఎమ్మెల్యే నందమూరి బాలకృష్ణ హాజరయ్యారు. ఈ వేడుకకు హాజరైన బాలయ్య మాట్లాడి అభిమానులను అలరించారు.
సినిమాకు బాబాయి ఆశీస్సులు అందించినందుకు జూనియర్ ఎన్టీఆర్ థ్యాంక్స్ చెప్పారు. అనంతరం బాలకృష్ణ మాట్లాడారు. ఈ కార్యక్రమానికి బాలయ్య రావడం ద్వారా అబ్బాయ్కు ఓ గిఫ్ట్ ఇచ్చారు. కానీ అంతకంటే ముందే, జూ.ఎన్టీఆర్ సోదరి అయిన, బాలకృష్ణ కూతురు అయిన నారా బ్రాహ్మణి ఓ సర్ప్రైజ్ బహుమతి ఇచ్చారు. జూ.ఎన్టీఆర్కు ఈ బహుమతిని పంపించారు.
సోదరి నారా బ్రాహ్మణి పంపించిన గిఫ్ట్ చూసిన జూ.ఎన్టీఆర్ ఉద్వేగానికి లోనయ్యారు ఇటీవల అరవింత సమేత సినిమా చూసిన ఆమె ఎన్టీఆర్ పైన ప్రశంసలు కురిపించారు. విజయదశమి రోజున తన అన్న ఎన్టీఆర్కు శుభాకాంక్షలు చెబుతూ సర్ప్రైజ్ గిఫ్ట్ను బ్రాహ్మణి పంపించారు. ఆ గిఫ్ట్కు జూనియర్ థ్యాంక్స్ చెప్పారని తెలుస్తోంది.
ఆమె పంపించిన ఆ గిఫ్ట్.. హరికృష్ణ ఆల్బమ్. హరికృష్ణ ఇటీవల రోడ్డు ప్రమాదంలో కన్నుమూసిన విషయం తెలిసిందే. తన పెదనాన్న పాత ఫోటోలను సేకరించిన నారా బ్రాహ్మణి వాటిని ఆల్బమ్గా చేసి సీడీ రూపంలో జూనియర్కు పంపించారు. దీనిని చూసి ఆయన ఉద్వేగానికి లోనయ్యారట.