వాట్సాప్లో నిజాం క్లబ్ సభ్యుడికి పోర్న్ వీడియోలు, అశ్లీల ఫోటోలు
హైదరాబాద్: నిజాం క్లబ్ మెంబర్కు ఒకరికి పోర్న్ వీడియో, ఫోటోలు వాట్సాప్ ద్వారా వచ్చాయి. దీంతో అతను బంజారాహిల్స్ పోలీసులను ఆశ్రయించారు. బంజారాహిల్స్ రోడ్డు నెంబర్ 14లోని సురభి ఎన్క్లేవ్లో రమేష్ కుమార్ దిర్ నివసిస్తున్నాడు. ఇతని వయస్సు 66 ఏళ్లు. ఇతను వ్యాపారవేత్త. నిజాం క్లబ్ మెంబర్.
ఇటీవలే లావాదేవీలు వదిలేసి ఇంట్లో విరామం తీసుకుంటున్నారు. నిజాం క్లబ్ మేనేజింగ్ కమిటీ సభ్యుడి నుంచి రమేష్కు అశ్లీల వీడియోలు, ఫోటోలు వచ్చాయి. తనకు అలాంటి వీడియోలు పంపించవద్దని హెచ్చరించాడు. కానీ అతను వాటిని పట్టించుకోలేదు. అలాగే పంపించాడు.
దీంతో రమేష్ కుమార్ బంజారా హిల్స్ పోలీసులకు ఫిర్యాదు చేశారు. బంజారాహిల్స్ పోలీసులు మాట్లాడుతూ... తమకు ఫిర్యాదు అందిందని చెప్పారు. రమేష్కు తన అనుమతి లేకుండానే అభ్యంతరకర వీడియోలు, ఫోటోలు వచ్చాయని పోలీసులు తెలిపారు.
రమేష్కు 24 అభ్యంతరకర ఫోటోలు వచ్చాయి. తన ఫోనలో అసహ్యకరమైన దృశ్యాలు నిండిపోయాయని, ఇలాంటివి పంపిస్తుంటే తనకు కోపం వస్తుందని రమేష్ పోలీసులకు ఫిర్యాదు చేశారు. పలు సెక్షన్ల కింద కేసు నమోదు చేసుకున్నారు.