ప్రేమించి, పెళ్లి చేసుకుందని దివ్యని ఎత్తుకెళ్లారు: ఆధారాలు కాల్చారు
హైదరాబాద్: ఎల్బీ నగర్లో దారుణం వెలుగు చూసింది. ఓ వ్యక్తిని ప్రేమించి పెళ్లి చేసుకున్నదనే కారణంతో ఆ కూతురును ఆమె తల్లిదండ్రులు బలవంతంగా ఎత్తుకు వెళ్లారు! ఓ కంపెనీకి చెందిన యజమాని కూతురు దివ్య ఎల్బీ నగర్కు చెందిన ఇస్మాయిల్ను ప్రేమించింది.
వారిద్దరు ఇటీవల పెళ్లి చేసుకున్నారు. దివ్య, ఇస్మాయిల్లు కలిసి ఉంటున్నారు. ఈ విషయం తెలిసి దివ్యను వారి తల్లిదండ్రులు ఎత్తుకు పోయినట్లుగా తెలుస్తోంది. అయితే, ఎత్తుకుపోయింది తల్లిదండ్రులేనా మరెవరైనా అనే విషయం తేలాల్సి ఉంది.
ఇస్మాయిల్ ఇంట్లో ఉన్న దివ్య, ఇస్మాయిల్ పెళ్లి ఫోటోలు, ఇతర ఆధారాలను వారు కాల్చివేశారు. అనంతరం దివ్యను కారులో ఎక్కించుకొని అక్కడి నుండి వెళ్లిపోయారు. కాగా, దివ్య పటేల్ కంపెనీ యజమాని కూతురుగా వార్తలు వస్తున్నాయి.
సూరారంలో హిజ్రాల వీరంగం
దుండిగల్ పోలీసు స్టేషన్ పరిధిలోని సూరారం మార్కెట్లో హిజ్రాలు వీరంగం సృష్టించారు. డబ్బులు ఇవ్వాలని చిరు వ్యాపారుల పైన దాడికి పాల్పడ్డారు. సమాచారం అందుకున్న పోలీసులు సంఘటన స్థలానికి చేరుకొని, ఆరుగురిని అదుపులోకి తీసుకున్నారు.