పేట్ బషీరాబాద్ ఎస్ ఐ కోటేశ్వర్ రావు సస్పెన్షన్
రియల్ ఏస్టేట్ వ్యాపారి శివపై అధికార దుర్వినియోగానికి పాల్పడి థర్డ్ డిగ్రీని ఉపయోగించిన ఎస్ ఐ కోటేశ్వర్ రావుపై పోలీస్ శాఖ సస్పెన్షన్ వేటు విధించింది.
హైదరాబాద్: రియల్ ఏస్టేట్ వ్యాపారి శివపై అధికార దుర్వినియోగానికి పాల్పడి థర్డ్ డిగ్రీని ఉపయోగించిన ఎస్ ఐ కోటేశ్వర్ రావుపై పోలీస్ శాఖ సస్పెన్షన్ వేటు విధించింది.
సివిల్ వివాదంలో పేట్ బషీరాబాద్ ఎస్ ఐ జోక్యం చేసుకొన్నాడు. రవీంద్రప్రసాద్ అనే రియల్ ఏస్టేట్ వ్యాపారికి అనుకూలంగా పేట్ బషీరాబాద్ ఎస్ ఐ కోటేశ్వర్ రావు రియల్ ఏస్టేట్ వ్యాపారి శివప్రసాద్ ను బెదిరించాడనే ఆరోపణలు ఎదుర్కొన్నాడు.
ఈ విషయమై శివప్రసాద్ సీపీకి ఫిర్యాదు చేశారు.ఈ పిర్యాదు ఆధారంగా విచారణ జరిపారు.తనపై ఎస్ ఐ దాడి చేసిన విషయానికి సంబందించిన ఆడియో పుటేజీని కూడ శివప్రసాద్ పోలీసులకు అందించాడు.
ఈ విషయమై బాలానగర్ డీసీపీ సాయిశేఖర్ విచారణ జరుపుతున్నారు.అదే సమయంలో కోటేశ్వర్ రావుపై సస్పెన్షన్ వేటు వేస్తూ పోలీసు శాఖ నిర్ణయం తీసుకొంది.
ఎస్ ఐ కోటేశ్వర్ రావు తో పాటు ఆయనకు సహకరించిన ముగ్గురు కానిస్టేబుళ్ళపై కూడ పోలీసు శాఖ సస్పెన్షన్ వేటేసింది