• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కెటిఆర్‌కు త్రీడీ తెర మొబైల్: టీలో కెడిఎక్స్ పెట్టుబడులు

By Pratap
|

హైదరాబాద్: ప్రముఖ చైనా ఎలక్ట్రానిక్స్ తయారీ సంస్థ కేడీఎక్స్ రాష్ట్రంలో పెట్టుబడులు పెట్టేందుకు ముందుకు వచ్చింది. ఈ మేరకు తెలంగాణ ప్రభుత్వంతో ఒప్పందం చేసుకుంది. ఈ సంస్థ తెలంగాణలో కళ్లద్దాలు లేకుండా చూసే త్రీడీ తెరలు, టీవీలు, సెల్‌ఫోన్లు ఉత్పత్తి చేస్తుంది.

ఈ మేరకు రాష్ట్ర ఐటీ, పంచాయతీరాజ్, పురపాలక మంత్రి కెటి రామారావుతో హైదరాబాదులోని బేగంపేటలో గల ముఖ్యమంత్రి నివాసంలో శుక్రవారం సంస్థ ప్రతినిధులు సమావేశమయ్యారు. కేడీఎక్స్ సంస్థ చైనా దేశంలో స్టాక్‌మార్కెట్‌లో లిస్ట్ అయిన ప్రఖ్యాత ఎలక్ట్రానిక్స్ తయారీ సంస్థ. మొబైల్‌ఫోన్లు, ట్యాబెట్ల తయారీ రంగంలో కూడా కేడీఎక్స్ ప్రఖ్యాతి వహించిదని చెప్పారు,

తమ సంస్థ ఫిలిప్స్, డాల్బీ 3డీ వంటి ప్రముఖ ఎంటర్‌టైన్‌మెంట్ సంస్థలతోనూ కలిసి పనిచేస్తున్నదని వివరించారు. నిరుడు తమ సంస్థ 1.2 బిలియన్ డాలర్ల రెవెన్యూని సాధించిందని, గ్రూప్ విస్తరణలో భాగంగా తెలంగాణపై ఆసక్తి చూపిస్తున్నట్లు తెలిపారు. మంత్రితో సమావేశానంతరం సంస్థ ప్రతినిధులు హైదరాబాద్ నగరంలో అందుబాటులో ఉన్న మౌలిక సదుపాయాలను పరిశీలించారు.

ప్రపంచంలోనే తొలిసారి త్రీడీ తెరతో మొబైల్ తయారుచేస్తున్నామన్న కేడీఎక్స్ సంస్థ ప్రతినిధులు మంత్రికి తమ మొబైల్ ఫోన్ బహూకరించారు. అది ఇంకా మార్కెట్లోకి విడుదల కాలేదు. అందులో ఉన్న త్రీడీ వీడియోలను ఎలాంటి కళ్లద్దాలు లేకుండానే చూడొచ్చని వివరించారు.

కేడీఎక్స్ సంస్థ రూపొందించిన మొబైల్‌ను వీక్షించిన మంత్రి వారి నూతన ఉత్పత్తి విజయవంతం అవుతుందని, ఇలాంటి వినూత్న రంగాల్లో పెట్టుబడులు పెట్టే కేడీఎక్స్ సంస్థకు తమ ప్రభుత్వం నుంచి పూర్తి సహాయ సహకారాలుంటాయని హమీ ఇచ్చారు. సమావేశంలో టీఎస్‌ఐఐసీ వీసీ, ఎండీ నర్సింహారెడ్డి, ఐటీ శాఖ ఎలక్ట్రానిక్స్ డైరెక్టర్ సుజయ్ పాల్గొన్నారు.

అవి కూడా...

అవి కూడా...

కేడీఎక్స్‌తోపాటు ఎంఓయూలో భాగస్వామి అయిన ఎరిస్ ఎపికా గ్రూప్‌కు 15 దేశాల్లో 45 కంపెనీలున్నాయని చెప్పారు. కేడీఎక్స్-ఎరిస్ ఎపికా భాగస్వామ్య సంస్థ తెలంగాణలో అందుబాటులో ఉన్న నిఫుణులు, ఐటీ పరిశ్రమ ముఖ్యంగా కనెక్టివిటి సౌకర్యాల నేపథ్యంలో హైదరాబాద్ నగరాన్ని పెట్టుబడులకి ఎంచుకున్నట్లు కెడిఎక్స్ ప్రతినిధులు తెలిపారు.

నమ్మకం వ్యక్తం చేసిన ప్రతినిధులు

నమ్మకం వ్యక్తం చేసిన ప్రతినిధులు

తెలంగాణ పారిశ్రామిక విధానం, ఐటీ పార్కులు, ఐటీ సెజ్‌లు సైతం తమ భవిష్యత్ పెట్టుబడులకి ఊతం ఇస్తాయన్న నమ్మకాన్ని వ్యక్తం చేశారు. తెలంగాణలో అద్దాలులేని 3డీ తెరలు, మొబైల్‌ఫోన్లు, టీవీ వంటి ఎలక్ట్రానిక్ గృహోపకరణాలను తయారు చేయనున్నట్లు కేడీఎక్స్- ఎరిస్ ఎపికా సంస్థ ఒప్పందంలో పేర్కొన్నారు.

పూర్తిగా సహకరిస్తాం..

పూర్తిగా సహకరిస్తాం..

కెడిఎక్స్ - ఎరిస్ ఎపికా సంస్థ ఏర్పాటుకు పూర్తి సహయ సహకారాలు అందించేందుకు సిద్ధమని తెలంగాణ రాష్ట్ర ప్రభుత్వం తెలిపింది. ఎలక్ట్రానిక్స్, గేమింగ్ కంటెట్, మొబైల్ మ్యానుఫ్యాక్చరింగ్ రంగాల్లోని ప్రముఖ సంస్థలతో ఎంవోయూ కుదుర్చుకోవడంపై మంత్రి కెటిఆర్ హర్షం వ్యక్తంచేశారు.

చాలా కంపెనీలు

చాలా కంపెనీలు

తెలంగాణ ప్రభుత్వ పాలన, పారిశ్రామిక విధానం వల్ంల అనేక అంతర్జాతీయస్థాయి కంపెనీలు నగరానికి వస్తున్నాయని, ఇదే వరుసలో కేడీఎక్స్ సంస్థ తెలంగాణపై ఆసక్తి చూపిస్తున్నదని కెటిఆర్ చెప్పారు. తమ పభుత్వం ప్రత్యేక మొబైల్ మ్యానుఫ్యాక్చరింగ్ క్లస్టర్ ఏర్పాటు చేస్తున్నదని, దేశంలోనే అత్యుత్తమ మొబైల్ మ్యానుఫ్యాక్చరింగ్ పాలసీ ప్రవేశపెట్టినట్లు తెలిపారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Telangana government has signed MOU with China's KDX company to manufacture it products.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more