పవన్ ‘పాపం పసివాడు’,టీఆర్ఎస్‌వి ఒట్టి మాటలే: రేణుకా చౌదరి కీలక వ్యాఖ్యలు

ఖమ్మం: జనసేన అధినేత పవన్‌ కళ్యాణ్‌పై కాంగ్రెస్ సీనియర్ నాయకురాలు రేణుకా చౌదరి కీలక వ్యాఖ్యలు చేశారు. తెలంగాణ యాత్రలో ఉన్న పవన్.. బుధవారం ఖమ్మంలో పర్యటించిన సంగతి తెలిసిందే.

పవన్ కళ్యాణ్ పర్యటనపై స్పందించిన రేణుకా చౌదరి.. రాజకీయాల్లో పవన్ 'పాపం పసివాడు' టైపు అంటూ ఎద్దేవా చేశారు. 2019 ఎన్నికల్లో జిల్లాలో కాంగ్రెస్ పార్టీని తాను ముందుండి నడిపిస్తానన్నారు.

'ఎవరు అడ్డువస్తారో చూస్తా'నంటూ రేణుకా చౌదరి రెచ్చిపోయి మాట్లాడారు. అంతేకాదు, 2019 ఎన్నికల్లో జిల్లాలోని అన్ని నియోజకవర్గాల్లో గెలుపు కాంగ్రెస్‌దే అంటూ ఆమె ధీమా వ్యక్తం చేశారు.

తాను ముఖ్యమంత్రి రేసులో లేనని, అంత ఆశ కూడా తనకు లేదని రేణుకా చౌదరి స్పష్టం చేశారు. అయితే, కాంగ్రెస్‌లోని ప్రతి కార్యకర్త సీఎం అభ్యర్థేనని పేర్కొన్నారు. టీఆర్ఎస్ ప్రభుత్వానివి మాటలే తప్ప... చేతలు కావని ఆమె విమర్శించారు.

English summary

Telangana Congress senior leader Renuka Chowdary fired on Jana Sena Chief Pawan Kalyan and TRS Government here in Khammam on Wednesday. Today Janasena Chief Pawan Political Tour is going on Khammam District. While speaking on this, Renuka Chowdary made sensational comments about Pawan Kalyan and TRS Government. She told in politics Pawan is a 'Papam Pasivadu' type and TRS Government is telling everything and doing nothing. She also told that in 2019 elections Congress will won all the seats in Khamm Districts. She also said that she is not in the CM race.