పెళ్లిళ్ల ముసుగులో దందా : అమ్మాయిల అక్రమ రవాణ..!

పాలమూరు : ఇండియాలో పేరుకుపోయిన పేదరికం పేదింటి బిడ్డల మాన ప్రాణాలను వేలానికి పెడుతోంది. అమాయక తల్లితండ్రులకు నోట్లు ఎరజూపి పెళ్లిళ్ల ముసుగులో ఈడుకొచ్చిన అమ్మాయిలను రేటు గట్టి మరీ కొనేస్తున్నారు కొంతమంది కామాంధులు. హైదరాబాద్ నగరానికి కూతవేటు దూరంలోనే ఉన్న శంషాబాద్ లో ఈ వ్యవహారం వెలుగుచూడడం గమనార్హం.

పాలమూరు ప్రజల అమాయకత్వాన్ని ఆసరాగా చేసుకున్న కొంతమంది రాజస్తాన్ వ్యక్తులు.. పెళ్లిళ్ల సాకుతో ఏళ్లుగా ఇక్కడి అమ్మాయిలను కొనుక్కెళుతున్నట్లుగా తెలుస్తోంది. ఈ నేపథ్యంలోనే స్థానిక శంషాబాద్ లో శనివారం ఉదయం ఓ అమ్మాయిని రాజస్తాన్ కు తరలిస్తుండగా.. అనుమానం వచ్చిన స్థానికులు గట్టిగా నిలదీయగా అసలు నిజం బయటపడింది.

పాలమూరుకు రావడం.. తూతూమంత్రంగా పెళ్లిళ్లు కానిచ్చేయడం.. ఆ తర్వాత అమ్మాయిలను రాజస్తాన్ కు తరలించడం కొంతమంది రాజస్తాన్ వాసులు ఓ దందాగా మార్చుకున్నట్లుగా సమాచారం. దీనికి సంబంధించి పోలీసులకేమైనా ఫిర్యాదు అందిందా..? లేదా..? అన్న విషయాలపై ఇంకా స్పష్టత రాలేదు.

English summary

shamshabad people were found illegal activities of Rajasthan people in the name of marriages. They caughted them while transporting a girl to rajasthan