యువతి ఫోటోలను మార్పింగ్ చేసి ఫేస్ బుక్ లో పోస్ట్, పెళ్ళి వద్దన్నందుకే ?
హైదరాబాద్: పెళ్ళి చేసుకోవాలని అడిగాడు, ఆ యువతి నిరాకరించింది.అయితే ఆమె తనతో సన్నిహితంగా ఉన్న సమయంలో తీసిన ఫోటోలను మార్పింగ్ చేసి అసభ్యంగా ఫేస్ బుక్ లో పోస్టు చేశాడు. ఆరుమాసాలుగా ఆ యువతిని వేధిస్తున్నా
హైదరాబాద్: పెళ్ళి చేసుకోవాలని అడిగాడు, ఆ యువతి నిరాకరించింది.అయితే ఆమె తనతో సన్నిహితంగా ఉన్న సమయంలో తీసిన ఫోటోలను మార్పింగ్ చేసి అసభ్యంగా ఫేస్ బుక్ లో పోస్టు చేశాడు. ఆరుమాసాలుగా ఆ యువతిని వేధిస్తున్నాడు. దీంతో ఆ యువతి పోలీసులను ఆశ్రయించింది. పోలీసులు నిందితుడిని అరెస్టు చేశారు.
హైద్రాబాద్ మియాపూర్ కు చెందిన కొండబోయిన శ్యామ్ కు ఓ పెళ్ళిలో ఓ యువతితో పరిచయమేర్పడింది.కొన్నిరోజులు వారిద్దరూ స్నేహంగా ఉన్నారు. ఇద్దరు స్నేహంగా ఉన్న సమయంలో ఫోటోలను తన ఫోన్ లో తీసుకొన్నాడు శ్యామ్.
కొన్ని రోజుల తర్వాత ప్రేమించాలని ఆ యువతిని కోరాడు. అంతేకాదు పెళ్ళి చేసుకోవాలని కూడ ఆయన వేధించాడు. ఈ ప్రతిపాదనకు ఆ యువతి నిరాకరించింది.ఆ యువతి నిరాకరణతో నిందితుడు ఆమెపై కక్ష పెంచుకొన్నాడు.
గూగుల్ ప్లే స్టోర్ నుండి ఓ యాప్ ను తీసుకొని బాధితురాలి ఫోటోలను మార్పింగ్ చేశఆడు. యువతి పేరుతో నకిలీ ఫేస్ బుక్ ఖాతాను తెరిచి అందులో పోస్ట్ చేశాడు. స్నేహితులకు, బంధువులకు పంపాడు.
ఆరుమాసాలుగా ఆ యువతిని అతడు వేధింపులకు గురి చేశాడు. ఈ వేధింపులకు తాళలేక ఆ యువతి పోలీసులను ఆశ్రయించింది. సైబర్ క్రైమ్ పోలీసులే కాల్ డేటా ఆధారంగా నిందితుడిని గుర్తించి, అరెస్టు చేశారు.