పవన్ కళ్యాణ్! మరిచిపోయావ్.. ఇలా చేయి, నా మద్దతు కేసీఆర్కే: నటుడు సుమన్
హైదరాబాద్/విశాఖపట్నం: తెలంగాణ అసెంబ్లీ ఎన్నికల్లో తన పూర్తి మద్దతు తెలంగాణ రాష్ట్ర సమితికే ఉంటుందని ప్రముఖ నటుడు సుమన్ అన్నారు. ఏపీలోని విశాఖపట్నంలో కరాటే ఛాంపియన్షిప్ పోటీలను ప్రారంభించేందుకు వచ్చిన ఆయన మీడియాతో మాట్లాడారు.
చంద్రబాబూ! తట్టుకోలేవ్: తలసాని తీవ్రఆగ్రహం, జగన్ మీద దాడిపై శ్రీరెడ్డి ట్వీట్, రివర్స్
తెలంగాణ సాధించడానికి టీఆర్ఎస్ అధినేత, తెలంగాణ ఆపద్ధర్మ సీఎం కేసీఆర్ చేసిన పోరాటం చరిత్రలో నిలిచిపోతుందని సుమన్ చెప్పారు. వచ్చే ఎన్నికల్లో తన మద్దతు కేసీఆర్కు ఉంటుందని తెలిపారు. కేసీఆర్ పాలనలో తెలంగాణ ఎంతో అభివృద్ధి చెందిందన్నారు. తెలంగాణ ముఖ్యమంత్రిగా మళ్లీ కేసీఆరే రావాలని ఆకాంక్షించారు.
జనసేన అధినేత పవన్ కళ్యాణ్ పైన ప్రత్యేక హోదా విషయమై విమర్శలు గుప్పించి, అదే సమయంలో సూచన చేశారు నటుడు సుమన్. జనసేనాని ప్రత్యేక హోదా గురించి మరిచిపోయారని చెప్పారు. భారీ సంఖ్యలో అభిమానులు, ప్రజాదరణ ఉన్న పవన్ కళ్యాణ్ హోదా కోసం గట్టిగా పోరాడాలన్నారు. ఆంధ్రప్రదేశ్ ప్రయోజనాల కోసం ఢిల్లీలోని జంతర్ మంతర్ వద్ద ఆయన ఆందోళన చేపట్టాలని సూచించారు.