ఆఫీస్‌లోని ఉద్యోగినితో టెక్కీ వివాహేతర సంబంధం, రెడ్ హ్యాండెడ్‌గా పట్టుకున్న భార్య

హైదరాబాద్: ఓ సాఫ్టువేర్ ఉద్యోగి రాసలీలలను భార్య బయటపెట్టిన సంఘటన హైదరాబాదులో వెలుగు చూసింది. భార్యను, కూతురును ఇబ్బందులకు గురిచేస్తూ మరో యువతితో వివాహేతర సంబంధం పెట్టుకున్నాడు సదరు సాఫ్టువేర్‌ ఉద్యోగి. ఈ విషయం వెలుగు చూడటంతో పోలీసులు అరెస్ట్ చేశారు.

నకిరేకల్‌కు చెందిన నాగరాజుకు, బాధిత మహిళకు 2007లో పెళ్లి జరిగింది. కొంతకాలంగా హైదరాబాద్‌ మీర్‌పేట్‌లో వీరు ఉంటున్నారు. వీరికి ఎనిమిది ఏళ్ల కూతురు ఉంది. నాగరాజు నగరంలోని ఓ సాఫ్టువేర్‌ కంపెనీలో టీం లీడర్‌గా పని చేస్తున్నాడు. తన సహోద్యోగినితో నాగరాజు గత కొన్ని నెలలుగా వేరే కాపురం పెట్టాడు.

విషయం తెలుసుకున్న భార్య, అతని బంధువులతో కలిసి వారిద్దరినీ రెడ్‌ హ్యాండెడ్‌గా పట్టుకున్నారు. తమకు పదకొండేళ్ల ఏళ్ల క్రితం పెళ్లయిందని, తమకు అన్యాయం చేయొద్దని కాళ్లు పట్టుకొని కోరినా వినలేదని, తన కూతురును, తనను కట్టుబట్టలతో నిర్దాక్షిణ్యంగా బయటకు నెట్టేశాడన్నారు.

ఈ ఘటనపై మీర్‌పేట పోలీసులకు ఫిర్యాదు చేశామని, తనకు, తన చిన్నారికి న్యాయం చేయాలని పోలీసులను కోరింది. తనను, కూతురిని వదిలించుకోడానికి నాగరాజు పథకం పన్నాడని తమకు ప్రాణహాని ఉందని భార్య పోలీసులకు ఫిర్యాదు చేసింది. భర్తపై కఠిన చర్యలు తీసుకోవాలని కోరింది. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు.

English summary

Techie arrested in Hyderabad for extramarital affair on Wednesday.