ప్రాణాలను పణంగా పెట్టి .. వరదలో కొట్టుకుపోతున్న కుక్కను కాపాడిన తెలంగాణ పోలీస్
ఒక తెలంగాణ పోలీస్ మానవత్వాన్ని చాటుకున్నారు. ఒక కుక్క ప్రాణాన్ని కాపాడాడు. వరద ప్రవాహంలో కొట్టుకుపోతున్న కుక్కని కాపాడి అందరితో శభాష్ అనిపించుకున్నాడు. నాగర్ కర్నూల్ పోలీస్ స్టేషన్ లో పనిచేసే ఒక హోం గార్డ్ వరద ప్రవాహంలో చిక్కుకున్న కుక్కని కాపాడడానికి రంగంలోకి దిగారు. తన ప్రాణాలను పణంగా పెట్టి, కొట్టుకుపోతున్న కుక్కను కాపాడాడు. అతని చర్యను అందరూ మెచ్చుకుంటున్నారు.
నాగర్ కర్నూలు పట్టణ శివార్లలో కుక్క వరద ప్రవాహంలో పడి కొట్టుకు పోతోంది. వరద ప్రవాహంలో కొట్టుకుపోతున్న కుక్క ఒక చెట్టు కొమ్మను పట్టుకుని తన ప్రాణాల కోసం విలవిలలాడుతోంది. కాపాడే వారి కోసం దీనంగా చూస్తుంది. కుక్క వరద ప్రవాహం లో చిక్కుకుని ప్రాణం కోసం అల్లాడుతున్న వైనాన్ని అక్కడ ఉండి చూస్తున్న జనంలో నుంచి హోంగార్డ్ ముజీబ్ దానిని రక్షించడం కోసం రంగంలోకి దిగాడు. రకరకాలుగా దాన్ని రక్షించే ప్రయత్నం చేసినప్పటికీ సాధ్యం కాలేదు.
చివరకు జెసిబి ని పిలిపించి, ఆ జెసిబి బకెట్ పై వెళ్లిన ముజీబ్ నిదానంగా వరదనీటిలో కిందికి దిగి కుక్క వద్దకు చేరుకున్నాడు. అసలే భయంలో ఉన్న కుక్క ఆ టెన్షన్ లో కరిచినా ఆశ్చర్యపోవాల్సిన అవసరం లేదు. కానీ ఎలాంటి భయం లేకుండా కుక్కను జెసిబి బకెట్ లోకి ఎక్కించి, తాను కూడా కుక్కతో పాటు జేసీబీ ద్వారా పైకి చేరుకున్నాడు. కుక్క ప్రాణాల కోసం రిస్కు చేసిన తెలంగాణ పోలీస్ ను అందరూ మెచ్చుకుంటున్నారు. అతని వీరోచిత చర్యను ప్రశంసిస్తున్నారు. మనుషుల ప్రాణాలనే పట్టించుకోని వారు ఉన్న నేటి రోజుల్లో కుక్క ప్రాణాల కోసం మానవత్వాన్ని చూపించిన ముజీబ్ నిజంగా ప్రశంసనీయుడు .
Recommended Video
#WATCH Telangana Home Guard jawan, Mujeed rescues a dog stuck in thick bushes at the bank of an overflowing stream in Nagarkurnool (16.09.20) pic.twitter.com/Se6V7VE1AC
— ANI (@ANI) September 17, 2020