వరంగల్ జిల్లాల్లో టీఆర్ఎస్, కాంగ్రెస్ పార్టీల పరిస్థితి ఇదే..
తెలంగాణ రాష్ట్రంలోని కీలకమైన జిల్లాలో ఎన్నికల ఫలితాలు ఒక్కొక్కటిగా బయటకు వస్తున్నాయి. వర్ధన్నపేటలో టీఆర్ఎస్, వరంగల్ వెస్ట్లో టీఆర్ఎస్ అభ్యర్థులు ముందంజలో ఉన్నారు. ములుగు నిజయోకవర్గంలో సీతక్క అధిక్యంలో ఉన్నారు.
వరంగల్ వెస్ట్లో టీఆర్ఎస్ అభ్యర్థి వినయ్ భాస్కర్ ప్రత్యర్థి రేవూరి ప్రకాశ్ రెడ్డి కంటే ముందంజలో ఉన్నారు. వర్ధన్నపేటలో టీఆర్ఎస్ అభ్యర్థి తొలి రౌండ్ ముగిసే సమయానికి 3 వేలకు పైగా ఆధిక్యంలో ఉన్నారు.
పరకాలలో కాంగ్రెస్ అభ్యర్థి కొండా సురేఖ వెనుకంజలో ఉన్నారు. సురేఖ ప్రత్యర్థి, టీఆర్ఎస్ అభ్యర్థి చల్లా ధర్మారెడ్డి అధిక్యంలో ఉన్నారు.
నర్సంపేటలో టీఆర్ఎస్ అభ్యర్థి పెద్దిరెడ్డి సుదర్శన్ రెడ్డి అధిక్యంలో ఉంది. ఆయన సమీప ప్రత్యర్థి, సిట్టింగ్ ఎమ్మెల్యే మాధవరెడ్డి వెనుకంజలో ఉన్నారు.
జనగాంలో మాజీ పీసీసీ ఛీప్ పొన్నాల లక్ష్మయ్య వెనుకంజలో ఉన్నారు. ఆయన ప్రత్యర్థి ముత్తిరెడ్డి యాదగిరిరెడ్డి అధిక్యంలో ఉన్నారు.