• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణలో జూన్ 15 నుంచి ఇంటర్ తరగతులు ప్రారంభం, పరీక్షలు, సెలవుల వివరాలు

|
Google Oneindia TeluguNews

హైదరాబాద్: రాష్ట్రంలో జూన్ 15వ తేదీ నుంచి ఇంటర్ రెండో సంవత్సరం తరగతులు ప్రారంభమవుతాయని తెలంగాణ ఇంటర్మీడియట్ బోర్డు సోమవారం ప్రకటించింది. 2022-23 విద్యా సంవత్సారినికి సంబంధించి ఇంటర్మీడియట్ తరగతులు, సెలవులు, పరీక్షల షెడ్యూల్‌ను నేడు ఇంటర్ బోర్డు విడుదల చేసింది.

ఈ ఏడాది మొత్తం 221 పని రోజులతో ఇంటర్ విద్యా సంవత్సరం ఉంటుందని తెలిపింది. అలాగే మొదటి సంవత్సరం తరగతులను జులై 1 నుంచి ప్రారంభించనున్నట్లు పేర్కొంది. ఇంటర్ బోర్డ్ తెలిపిన వివరాల ప్రకారం.. ఈ ఏడాది మొత్తం 221 పని రోజులుంటాయి. జూన్ 15 నుంచి సెకండియర్, జులై 1 నుంచి ఇంటర్ ఫస్టియర్ తరగతులు మొదలవుతాయి.

Telangana: Intermediate classes starts from June 15th.

అక్టోబర్ 2 నుంచి 9 వరకు దసరా సెలవులు, జనవరి 13 నుంచి 15 వరకు సంక్రాంతి సెలవులు ఇస్తున్నట్లు తెలిపింది. ఫిబ్రవరి 6 నుంచి 13 వరకు ప్రీఫైనల్ పరీక్షలు, ఫిబ్రవరి 20 నుంచి మార్చి 6 వరకు ఇంటర్ ప్రాక్టికల్ పరీక్షలు నిర్వహించనున్నట్లు వెల్లడించింది. మార్చి 15 నుంచి ఏప్రిల్ 4 వరకు ఇంటర్ వార్షిక పరీక్షలు జరుగుతాయి.

వచ్చే ఏడాది ఏప్రిల్ 1 నుంచి మే 31 వరకు వేసవి సెలవులు అమలు అవుతాయి. 2023 మే చివరి వారంలో ఇంటర్ అడ్వాన్స్డ్ సప్లిమెంటరీ పరీక్షలు. వచ్చే ఏడాది జూన్ 1న కాలేజీలు పునర్ ప్రారంభమవుతాయని ఇంటర్ బోర్డు వెల్లడించింది.

English summary
Telangana: Intermediate classes starts from June 15th.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X