బాలుడే బాల్.. గాల్లోకి ఎగురుతాడు.. కేటీఆర్ మెచ్చిన గల్లీ క్రికెట్ (వీడియో)
హైదరాబాద్ : క్రికెట్ ఆట.. యువతకు మాంఛి క్రేజ్. తిన్న తిన్నకున్నా.. క్రికెట్ చూస్తారు, ఆడతారు. ఇక మైదానంలో ఆటగాళ్లు ఆడుతుంటే.. టీవీలకు అతుక్కుపోయి వీక్షించేవాళ్లకు కొదువ లేదు. అయితే క్రికెట్ ఆటలో ముఖ్యంగా కావాల్సింది బాల్, బ్యాట్. కానీ ఇప్పుడు సోషల్ మీడియాలో వైరల్ అవుతున్న గల్లీ క్రికెట్ లో మాత్రం బాల్ లేదు.
ఎండాకాలమంటూ సల్లబడుతున్నారా?.. బీరు సీసాల్లో తేళ్లు వస్తున్నాయట..! జర భద్రం
సినిమాటోగ్రాఫర్ సెంథిల్ కుమార్ ట్విట్టర్ లో పోస్ట్ చేసిన గల్లీ క్రికెట్ వీడియోకు అనూహ్య స్పందన లభిస్తోంది. బాల్ లేని ఈ క్రికెట్ చూసి ప్రతిఒక్కరు స్పందిస్తున్నారు. అదే క్రమంలో టీఆర్ఎస్ వర్కింగ్ ప్రెసిడెంట్ కేటీఆర్ కూడా ఈ వీడియోకు కితాబిచ్చారు. ఇటీవలి కాలంలో ఇంతటి టాలెంటెడ్ బౌలర్ని ఎక్కడా చూడలేదంటూ రీట్వీట్ చేశారు.
Loved it 😅👏 talented bowler that young lad 🤘 https://t.co/wv3CmEf3eY
— KTR (@KTRTRS) April 15, 2019
ఇంతకు ఆ వీడియోలో ఏముందంటే.. ఓ చిన్నపిల్లోడు పరుగెత్తుకుంటూ వచ్చి బ్యాట్స్ మెన్ చేతిలోని బ్యాట్ పై ఓ కాలేసి పక్కనే ఉన్న ఫీల్డర్ చేతిలోకి ఒదిగిపోతాడు. అది క్యాచ్ అవుట్ అన్నమాట. అలా డిఫరెంట్ కాన్సెప్ట్ తో వచ్చిన ఈ వీడియో తెగ వైరలవుతోంది.