సమంతకు మంత్రి కేటీఆర్ థ్యాంక్స్, 1995 నాటి తన ఫోటోను పోస్ట్ చేసిన కేటీఆర్
తెలంగాణ ఐటీ శాఖ మంత్రి కల్వకుంట్ల తారక రామారావుకు తెలంగాణ చేనేత అంబాసిడర్, సినీ నటి సమంత శుభాకాంక్షలు చెప్పారు.
హైదరాబాద్: తెలంగాణ ఐటీ శాఖ మంత్రి కల్వకుంట్ల తారక రామారావుకు తెలంగాణ చేనేత అంబాసిడర్, సినీ నటి సమంత శుభాకాంక్షలు చెప్పారు.
స్కోచ్ సంస్థ కేటీఆర్ను ఈ ఏటి మేటి ఐటీ మంత్రి పురస్కారానికి ఎంపిక చేసింది. ఈ నెల 9న దిల్లీలో జరిగే స్కోచ్ శిఖరాగ్ర సదస్సులో పురస్కారాన్ని ప్రదానం చేస్తారు.
ఈ సందర్భంగా సమంత ట్వీట్ చేశారు. స్కోచ్ ఈ ఏటి మేటి ఐటీ మంత్రి అవార్డుకు ఎంపికైనందుకు శుభాకాంక్షలు సర్ అని ఆమె అన్నారు. దీనికి కేటీఆర్ ప్రతిస్పందిస్తూ చాలా థ్యాంక్స్ సమంత అని ట్వీట్ చేశారు.
మరోవైపు, 22 ఏళ్ల క్రితం తన స్నేహితులతో తీసుకున్న ఓ ఫొటోను తన కేటీఆర్ ట్విట్టర్ అకౌంటులో పోస్ట్ చేశారు. అప్పటి తన స్నేహితుడు తాజాగా తనకు ఈ ఫొటో పంపాడని పేర్కొన్నారు. ఈ ఫొటో తనకు 1995 నాటి రోజులను గుర్తు చేసిందన్నారు. ఈ ఫొటో నెటిజన్లను ఆకర్షిస్తోంది.
Throwback to 1995 thereabouts. An old friend sent it now 😊 pic.twitter.com/gYl4ARcu7J
— KTR (@KTRTRS) September 5, 2017