స్టార్ హోటల్లో సెక్స్ రాకెట్, అలా దొరికారు: ఇద్దరు డ్యాన్సర్లు, విద్యార్థి అరెస్ట్
Recommended Video
హైదరాబాద్: స్టార్ హోటళ్లలో వ్యభిచారం నిర్వహించేందుకు ప్రయత్నాలు చేసిన ఓ యువకుడితో పాటు ఇద్దరు డ్యాన్సర్లను పోలీసులు అరెస్టు చేశారు. హోటల్లో దిగే సమయంలో రికార్డులు చూపించే సమయంలో పొంతనలేని సమాధానం చెప్పారు. దీంతో హోటల్ సిబ్బంది పోలీసులకు సమాచారం అందించారు. దీంతో వారిని అదుపులోకి తీసుకున్నారు.
ఈ సంఘటన బంజారాహిల్స్లోని ఓ హోటల్లో జరిగింది. మూడు రోజుల క్రితం రాత్రి తొమ్మిది గంటల సమయంలో ఇబ్రహీం అనే విద్యార్థితో పాటు ఇద్దరు యువతులు హోటల్కు వచ్చారు. ఇబ్రహీం పేరు మీద గది బుక్ అయింది. అతను హోటల్ రిసెప్షన్ వద్దకు వెళ్లాడు. అప్పుడు పక్కనే ఇద్దరు యువతులు ఉన్నారు. సిబ్బంది అతనిని ఐడెంటిడీ రికార్డులు అడిగారు.
బిడ్డలున్నా.. అక్రమ సంబంధానికి అడ్డుగా ఉన్నాడని భర్తను చంపించిన భార్య
పొంతనలేని సమాధానం చెప్పడంతో దొరికారు
ఈ సమయంలో వారు ముగ్గురు పొంతన లేని సమాధానం చెప్పారు. దీంతో అనుమానం వచ్చిన రిసెప్షన్ వారి గురించి పోలీసులకు సమాచారం ఇచ్చారు. వెంటనే అక్కడకు చేరుకున్న పోలీసులు ఇబ్రహీంతో పాటు యువతులను అదుపులోకి తీసుకున్నారు. పోలీసుల విచారణలో అతను పలు విషయాలు చెప్పాడు. తాను ఎంబీయే చదివానని, తనకు పరిచయం ఉన్న సల్మాన్ అనే వ్యక్తి వ్యభిచార నేపథ్యంలో ఈ ఇద్దరు యువతులను తనకు అప్పగించారని చెప్పాడు. ఇందుకు తాను పదకొండు వేల రూపాయలు ఇచ్చానని తెలిపాడు.
ఇద్దరు యువతులు డ్యాన్సర్లు
పోలీసులు ఇద్దరు యువతులను డ్యాన్సర్లుగా గుర్తించారు. ఇద్దరు యువతుల్లో ఒకరు హైదరాబాదుకు చెందిన వారు కాగా, మరొకరు పశ్చిమ బెంగాల్కు చెందిన వారిగా పోలీసులు గుర్తించారు. యువతులను పునరావాస కేంద్రానికి తరలించారు. పోలీసులు ఇబ్రహీంపై కేసు నమోదు చేశారు. అతను చెప్పిన సల్మాన్ పరారీలో ఉన్నాడు.
రెండో శ్రేణి తారలు
కాగా, ఇటీవల ఇలాంటి ఘటనలపై పోలీసులు దాడులు నిర్వహిస్తోన్నారు. ఈ ఊబిలో ద్వితీయ శ్రేణి హీరోయిన్లు కూడా ఉంటున్నారు. ఈ నెల ప్రారంభంలో ఓ స్టార్ హోటల్లో ద్వితీయ శ్రేణి హీరోయిన్ను, వ్యభిచార నిర్వాహకుడిని పోలీసులు అరెస్టు చేశారు.
పోలీసుల చర్యలు
అంతకుముందు, డిసెంబర్ నెలలో ముంబైకి చెందిన ఇద్దరు రెండో శ్రేణి సినీతారలు పట్టుబడ్డారు. సంపన్నులు నివసించే ప్రాంతాల్లోని అపార్టుమెంట్లు, ఇండిపెండెంట్ నివాసాలను కూడా అద్దెకు తీసుకొని వ్యభిచార కేంద్రాలను నిర్వహిస్తున్న వారిపై పోలీసులు చర్యలు తీసుకుంటున్నారు.