• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రోహిత్ ఆత్మహత్య, లేఖపై అనుమానం: సుశీల్‌ని అరెస్ట్ చేయొద్దు.. హైకోర్టు

By Srinivas
|

హైదరాబాద్: హైదరాబాద్‌ సెంట్రల్ యూనివర్సిటీలో వేముల రోహిత్‌ ఆత్మహత్యకు కారకులయ్యారంటూ దాఖలైన కేసులో నిందితులుగా ఉన్న ఎబివిపి యూనివర్సిటీ అధ్యక్షులు సుశీల్ కుమార్‌, కార్యదర్శి కృష్ణచైతన్య, సుశీల్ కుమార్‌ చిన్నాన్న దివాకర్‌ల్ని అరెస్ట్‌ చేయరాదని హైకోర్టు సోమవారం మధ్యంతర ఉత్తర్వులు జారీ చేసింది.

అయితే కేసు దర్యాప్తును కొనసాగించాలని, పిటిషన్లలో కౌంటరు దాఖలు చేసి రికార్డులను కోర్టు ముందుంచాలని ఆదేశించింది. రోహిత్‌ ఆత్మహత్యకు కారకులయ్యారంటూ ఉపకులపతి, కేంద్ర మంత్రులతోపాటు సుశీల్ కుమార్, కృష్ణచైతన్య తదితరులపై ఎస్సీ, ఎస్టీ చట్టం కింద కేసు నమోదు చేయాలన్న ఫిర్యాదు మేరకు కేసు నమోదైంది.

Vemula Rohith suicide: HC stays arrest of 2 scholars for abetting suicide

ఈ కేసులో ఎఫ్‌ఐఆర్‌ను కొట్టివేయాలని కోరుతూ సుశీల్ కుమార్‌, కృష్ణచైతన్య, దివాకర్‌లు వేర్వేరుగా పిటిషన్లు దాఖలు చేశారు. సుశీల్‌ గదికి 30 మంది వచ్చి దాడి చేశారని పోలీసులకు ఫిర్యాదు చేయడంతో అభియోగపత్రం దాఖలైందని, దీనికి కక్షసాధింపుగానే కేసు పెట్టారని అతని తరఫు లాయర్ తెలిపారు.

వీటిపై హైకోర్టు జడ్జి జస్టిస్‌ పివి సంజయ్ కుమార్‌ విచారణ చేపట్టారు. దీనిపై సమగ్ర దర్యాప్తు జరగాల్సి ఉన్నందున పిటిషనర్లను అరెస్ట్‌ చేయరాదని మధ్యంతర ఉత్తర్వులు జారీ చేశారు. మరోవైపు, రోహిత్‌కు అంత్యక్రియలు హిందూ స్మశాన వాటికలో చేశారు. తాజాగా, బుద్ధిజం ప్రకారం మరోసారి అంత్యక్రియలు నిర్వహించారు.

Vemula Rohith suicide: HC stays arrest of 2 scholars for abetting suicide

రోహిత్‌ సూసైడ్ నోట్ పైన పోలీసుల దృష్టి

రోహిత్‌ బలవన్మరణం ఘటనపై కేసు నమోదు చేసినా హెచ్‌సియూలో ఉద్రిక్తతలపైనే ఇన్నాళ్లూ దృష్టిపెట్టిన పోలీసులు ఇకపై కేసు దర్యాప్తు ముమ్మరం చేయాలని భావిస్తున్నారు. జిహెచ్‌ఎంసి ఎన్నికలు కూడా మంగళవారం ముగియనుండడంతో తర్వాత దర్యాప్తును వేగవంతం చేయనున్నారు.

Vemula Rohith suicide: HC stays arrest of 2 scholars for abetting suicide

ఆత్మహత్య అనంతరం లభించిన లేఖ ఈ కేసులో కీలకంగా మారింది. ఆ లేఖలోని రాత రోహిత్‌దేనా అని తేల్చేందుకు ఫోరెన్సిక్‌ సైన్స్‌ ప్రయోగశాలకు పంపించాల్సి ఉంది. లేఖలో పది వరుసల వరకు కొట్టివేతలున్నాయి. వీటిని తానే కొట్టివేసినట్లు రోహిత్‌ పేర్కొన్నా ఫోరెన్సిక్‌ విభాగమే శాస్త్రీయంగా ధ్రువీకరించాల్సి ఉంది.

Vemula Rohith suicide: HC stays arrest of 2 scholars for abetting suicide

ఇందుకోసం రోహిత్‌ నోట్ పుస్తకాలలోని రాతను లేఖతో కలిపి ఎఫ్‌ఎస్‌ఎల్‌కు పంపాలని భావిస్తున్నారు. కొట్టివేతల్లో విద్యార్థి సంఘాల వైఖరిపై రాతలున్నట్లు సందేహాలు వ్యక్తమవుతున్నాయి. తన కుమారుడి ఆత్మహత్యపై అనుమానాలున్నాయని రోహిత్‌ తండ్రి కూడా ఆరోపిస్తున్నారు. ఈ నేపథ్యంలో లేఖలో కొట్టివేతల్ని విశ్లేషిస్తే ఆత్మహత్యకు కారణాలపై కీలక ఆధారాలు లభించవచ్చనే భావన వ్యక్తమవుతోంది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
The Hyderabad High Court on Monday granted stay on the arrest of two UoH research scholars and their relative in a case registered with regard to the suicide of Rohith Vemula.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more