'రియాల్టీ' షాక్-ఫైర్ స్టంట్తో మృతి, రెండో పెళ్లికి సిద్ధమైన టెక్కీ అరెస్ట్
హైదరాబాద్: పాతబస్తీలో దారుణం జరిగింది. ఓ యువకుడు రియాల్టీ షోను అనుకరించబోయి మృతి చెందిన సంఘటన వెలుగు చూసింది. జలీల్ అనే యువకుడు మిత్రులతో కలిసి రియాల్టీ షోను అనుకరించే యత్నంలో.. ఫైర్ స్టంట్ ప్రయత్నించాడు.
ఈ ఘటనలో అతను మృతి చెందాడు. మిత్రులతో కలిసి జలీల్ ఈ నెల 7వ తేదీన ఫైర్ స్టంట్ను అనుకరించాడు. ఒంటి పైన కిరోసిన్ పోసుకొని నిప్పు అంటించుకున్నాడు. ఈ ఘటనలో జలీల్కు తీవ్ర గాయాలయ్యాయి. అదే రోజున అతను ఆసుపత్రి పాలయ్యాడు. చికిత్స పొందుతూ అతను మృతి చెందాడు.
రెండో పెళ్లికి సిద్ధమైన యువకుడి అరెస్టు
పది రోజుల్లోనే రెండో వివాహానికి సిద్ధమైన సాఫ్ట్వేర్ ఇంజినీర్ను విశాఖ ఎంవీపీ పోలీసులు ఆదివారం అరెస్టు చేశారు. హైదరాబాద్లో సాఫ్ట్వేర్ ఇంజినీరుగా పని చేస్తున్న అనిల్ కుమార్ అక్కడ ఓ యువతిని ప్రేమించాడు. ఆమె ఒత్తిడి తేవడంతో ఈ నెల ఒకటో తేదీన ఆర్య సమాజ్లో పెళ్లి చేసుకున్నాడు.
పదో రోజున ఆదివారం విశాఖలో మరో యువతితో వివాహం చేసుకోవడానికి ముహూర్తం పెట్టాడు. విషయం తెలుసుకున్న మొదటి భార్య విశాఖలోని యువతి తల్లిదండ్రులకు ఫోన్ చేసి చెప్పింది. ఆ యువతి తల్లి పోలీసులకు ఫిర్యాదు చేశారు. మోసం కేసులో అనిల్ కుమార్ను అరెస్టు చేసిన పోలీసులు రిమాండుకు తరలించారు.