రుయా ఆస్పత్రిలో సైకోల హల్చల్, బ్లేడుతో కోసుకోవడంతో బెంబేలెత్తిన రోగుల బంధువులు, నర్సులు
రుయా ఆస్పత్రిలో సైకోలు హల్చల్ చేశారు. ఎక్కడి నుంచి వచ్చారో తెలియదు కానీ.. నలుగురు సైకోలు వచ్చారు. అక్కడున్న రోగులే కాదు సిబ్బంది కూడా హడలెత్తిపోయారు. వారిని మెల్లిగా పంపిద్దామనుకొంటే సెక్యూరిటీ సిబ్బందితో కూడా గొడవకు దిగారు. వారి చేతుల్లో బ్లేడులు ఉండటంతో వారిని పట్టుకొని పంపించే ధైర్యం చేయలేకపోయారు. ఇటు రోగులు, నర్సులు కూడా బెంబేలెత్తిపోయారు.
ఆస్పత్రి గేటు సమీపంలో సైకోలు బీభత్సం సృష్టించారు. తమ చేతిలో ఉన్న బ్లేడుతో ఒంటిపై గాయాలు చేసుకున్నారు. దీంతో అక్కడున్న వారంతా భయాందోళనకు గురయ్యారు. సైకోల ప్రవర్తనతో ఒకింత షాక్ వచ్చినట్లైంది. పోలీసులకు సమాచారం ఇవ్వడంతో.. వెంటనే రంగంలోకి దిగారు. వారిని అదుపులోకి తీసుకోవడంతో అక్కడున్న వారు హమ్మయ్యా అంటూ ఊపిరి పీల్చుకున్నారు.
వాస్తవానికి సైకోలను సెక్యూరిటీ లేదంటే.. అక్కడున్న రోగుల బంధువులు పట్టుకోవాలని చూశారు. కానీ వారి చేతిలో బ్లేడు ఉండటంతో భయపడ్డారు. ఒకరికొకరు బ్లేడుతో గాయం చేసుకోవడంతో రక్తం వచ్చింది. దీంతో రోగుల బంధువులు, నర్సులు పరుగు తీశారు. వారి ప్రవర్తనతో ఒక్కసారిగా భయాందోళనకు గురయ్యారు. వీరి బారి నుంచి తప్పించుకోవడం ఎలా అని ఊహించుకున్నారు. వెంటనే పోలీసులు వచ్చి.. వారిని అదుపులోకి తీసుకోవడంతో కాస్త రిలాక్స్ అయ్యారు. లేదంటే తమ పరిస్థితి ఏంటి అని రోగుల బంధువులు వాపోతున్నారు. సైకోల ప్రవర్తనతో అక్కడున్న వారంతా షాక్నకు గురైన పరిస్థితి నెలకొంది