• search
  • Live TV
తిరుపతి వార్తల కోసం
నోటిఫికేషన్స్ పై క్లిక్ చేయండి  

టీటీడీలో తొలి వికెట్: ఆస్తుల అమ్మకం సమాచారం లీక్: ఎస్టేట్ అధికారిపై సస్పెన్షన్ వేటు

|

తిరుపతి: రెండు తెలుగు రాష్ట్రాల్లో సంచలనం రేపిన తిరుమల తిరుపతి దేవస్థానానికి చెందిన నిరర్థక ఆస్తుల అమ్మకపు విషయంలో తొలి వికెట్ పడింది. ఈ సమాచారాన్ని ఎలక్ట్రానిక్ మీడియాకు లీక్ చేసిన టీటీడీ ఎస్టేట్ అధికారి వీ దేవేంద్ర రెడ్డిని ప్రభుత్వం సస్పెండ్ చేసింది. నిబంధనలకు విరుద్ధంగా ఆయన వ్యవహరించారని, అందువల్లే ఆయనను సస్పెండ్ చేయాల్సి వచ్చిందని వివరించింది. ఈ మేరకు శుక్రవారం రెవెన్యూ (దేవాదాయం) శాఖ ప్రత్యేక ప్రధాన కార్యదర్శి జేఎస్వీ ప్రసాద్ ఉత్తర్వులు జారీ చేశారు.

తమిళనాడులో శ్రీవారికి చెందిన నిరర్థక ఆస్తులను టీటీడీ అధికారులు అమ్మకానికి పెట్టినట్లు కొద్దిరోజుల కిందట పెద్ద ఎత్తున వార్తలు వెల్లువెత్తిన విషయం తెలిసిందే. దీనిపై రెండు తెలుగు రాష్ట్రాల్లోనూ నిరసనలు వ్యక్తం అయ్యాయి. తెలంగాణలో భారతీయ జనతా పార్టీ, జనసేన పార్టీ సంయుక్తంగా ఒకరోజు నిరాహార దీక్షలను చేపట్టాయి. శ్రీవారి ఆస్తుల అమ్మకాలపై పలు ధార్మిక సంఘాల ప్రతినిధులు, ఆధ్యాత్మిక వేత్తలు మండిపడ్డారు. ఇది సరికాదంటూ అభిప్రాయపడ్డారు.

TTD Estate Officer V Devendra Reddy placed under suspension in leakage of information to media

అనంతరం- ఈ ప్రతిపాదనలను టీటీడీ పక్కన పెట్టేసింది. టీటీడీ ఆస్తుల అమ్మకానికి అనుమతి ఇచ్చేలా 2016లో అప్పటి తెలుగుదేశం ప్రభుత్వం జారీ చేసిన జీవోను నిలుపుదల చేస్తూ జగన్ సర్కార్ మరో కొత్త జీవోను జారీ చేసింది. ఫలితంగా- భవిష్యత్తులో టీటీడీ ఆస్తులను అమ్మకానికి వీల్లేకుండా ఆదేశాలను ఇచ్చింది. కాగా- ఈ వ్యవహారం మొత్తానికి కారణం.. నిరర్థక ఆస్తుల అమ్మకాల సమాచారం ఎలక్ట్రానిక్ మీడియాకు పొక్కడమేనని టీటీడీ అధికారులు భావించారు.

    Tirumala లో కొత్త Software.. భక్తులపై నిఘా..!

    దీనిపై అంతర్గతంగా విచారణ చేపట్టారు. ఈ ఘటనలో ఎస్టేట్ విభాగం అధికారులను విచారించారు. దేశవ్యాప్తంగా టీటీడీకి ఉన్న స్థిరాస్తులను పర్యవేక్షించడానికి ఏర్పాటు చేసిన విభాగం ఇది. మీడియాకు సమాచారం లీక్ చేసిన వ్యవహారంలో ఎస్టేట్ అదికారిగా పనిచేస్తోన్న డిప్యూటీ కలెక్టర్ ర్యాంకు అధికారి దేవేంద్ర రెడ్డి ప్రమేయం ఉన్నట్లు టీటీడీ అధికారులు గుర్తించారు. దీనిపై ప్రభుత్వానికి ఓ నివేదిక అందజేశారు. ఈ నివేదిక ఆధారంగా దేవేంద్ర రెడ్డిని సస్పెండ్ చేస్తున్నట్లు జేఎస్వీ ప్రసాద్ వెల్లడించారు.

    English summary
    TTD Estate Officer V Devendra Reddy placed under suspension in leakage of information to media. V Devendra Reddy,Dy.Collector working as Estate Officer, TTD, Tirupati Placed under suspension Orders Issued.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more