థాయ్‌లో బస్సు ప్రమాదం: భారతీయులు మృతి

బ్యాంకాక్: థాయ్‌లాండ్‌లో జరిగిన ఓ బస్సు ప్రమాదంలో ఇద్దరు భారతీయులు మృతి చెందారు. బ్యాంకాక్ నుండి ప్రయాణీకులతో కూడిన ఒక బస్సు కో సముయ్ అనే రిసార్టుకు బయలుదేరిందని, దారి మధ్యలో దాని టైరు పేలిపోవడంతో ఈ ప్రమాదం జరిగిందని థాయ్ పోలీసు అధికారులు చెప్పారు.

రిసార్టుకు వెళుతుండగా టైరు పేలిపోవడంతో బస్సు అదుపు తప్పి ఓ ఎలక్ట్రిక్ స్తంభాన్ని ఢీకొట్టింది. ఈ ఘటనలో పదిమంది మృతి చెందారు. వారిలో ఇద్దరు భారతీయులు ఉన్నారని పోలీసు అధికారులు తెలిపారు. పదిహేడు మందికి తీవ్రంగా గాయాలైనట్లు చెప్పారు.

ప్రయాణీకులు బయలుదేరిన ఈ కో సముయ్ రిసార్ట్ ఉన్న ద్వీప ప్రాంతం పర్యాటక ప్రసిద్ధి చెందినది. ఈ ఘటన మంగళవారం ఉదయం సూరత్ థానీ సదరన్ ప్రావిన్స్‌లో జరిగిందని చెప్పారు. మిగతా మృతులు థాయ్‌లాండ్‌కు చెందిన వారని, చనిపోయిన వారిలో బస్సు డ్రైవర్ కూడా ఉన్నారని చెప్పారు.

English summary

Thailand police said a tour bus heading to a Thai resort island blew a tire and crashed into an electricity pole, killing 10 people and wounding 17. Police said the crash early Tuesday in the southern province of Surat Thani killed two Indians.