న్యూజిలాండ్లో ముందే దీపావళి
వెల్లింగ్టన్: న్యూజిలాండ్లోని అతి పెద్ద నగరం ఆక్లాండ్లో భారతీయులు ముందే దీపావళి వేడుకలు జరుపుకున్నారు. దీపావళి పర్వదినం మరో పక్షం రోజులు ఉండగానే న్యూజిలాండ్ వాసులకు భారతీయులు దీపావళి సంబరాల రుచి చూపించారు.
శనివారంనాడు ఆక్లాండ్లో వేలాది మంది భారతీయులు దీపావళి వేడుకలను జరుపుకున్నారు. రెండు రోజుల సంబరాల్లో భాగంగా దీపాలు వెలిగించారు, నృత్యాలు చేశారు, పాటలు పాడారు, విందు భోజనాలు చేశారు.
పిల్లలు, పెద్దలు వేడుకల్లో పాలు పాంచుకున్నారని ఫెయిర్ ఫాక్స్ మీడియా ఎన్జడ్ రిపోర్టు చేసింది. వేడుకల్లో పాల్గొన్నవారిలో 2012 న్యూజిలాండ్ గాట్ టాలెంట్ ఫైనలిస్టు డానే మోయికే కూడా ఉన్నారు.
విభిన్నమైనవాటిని చూస్తున్నానని, సంగీతమూ డ్రమ్స్ వినడానికి ప్రయత్నిస్తున్నానని మోయికే అన్నారు. చాలా బాగుందని, ఈ సంస్కృతి తనను దిగ్భ్రమకు గురి చేసిందని, ఇటువంటిది తాను ఎప్పుడూ చూడలేదని ఆయన అన్నారు.