వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

ప్రయాణం, ప్రవాహం తెలిసిన నది నా పుట్టుక

By Super
|
Google Oneindia TeluguNews

రాత్రిపదయింది
ఆఫీసు పని పూర్తి చేసుకుని
లెక్సింగ్టన్‌ అవెన్యూలో రైలు దిగి
ఆకాశానికి వేలాడుతున్నభవంతుల మధ్య నుండి
వడివడిగా నడుస్తున్నాను

కుక్కలఅరుపులు లేవు
యజమానుల లాలనలో
వారి పక్కనే నిద్ర పోయుంటాయి

వీధిలోఅక్కడక్కడ
ఎవరో వదిలేసిన వస్తువుల్ని చుట్టూపేర్చుకుంటూ
నిద్ర కోసం సర్దుకుంటున్ననిరాశ్రయులు
ఉండుండి
చిరుజల్లు
చెవుల్ని చీల్చుకుంటూ ఈదురు గాలి
చలికి వణుకుతున్నాను

ఆదివారం
రోడ్లు రద్దీగా లేవు
ఎదురు చూసిన
వారాంతపు ఆనందంతీరకముందే
ఎవరూ కోరుకోని
సోమవారపు దుఃఖం

అల్లంతదూరంలో
ఒక జంట
వారి మధ్య ఒక చిన్నారి
కూతురనుకుంటాను
అరుస్తూ అతను
ఏడుస్తూ ఆమె
పాపని చెరో వైపు లాగుతున్నారు
పగలనిపించే దీపాల వెలుగులో
అంతా స్పష్టంగా కనిపిస్తూనే ఉంది

ఉన్నట్టుండి
ఆమెను తోసి
అరుస్తూ ఏడుస్తూ ఆమె లేచే లోగా
ఆటబొమ్మని విసిరేసినట్టు
పాపను కారులో పడేసి
దూసుకుపోయాడు

ఏమిచేయాలో తెలీదు
ఆమెకి కూడా బహుశా
నిట్టూరుస్తూ ఆమె పక్కనుండే పోయాను

అయినా
ఆ రాత్రి
ఆమె అశక్తత
నా నిస్సహాయత
నన్ను మాత్రం వెంటాడుతూనేఉన్నాయి

-ముకుంద రామారావు

English summary
N.Gopi on Vijayasris Naneelu Pranam - Pranavam, Telugu, Sahiti, Teluigu Litarature, Sameeksha, Book Review, ఆదివారం
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X