• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సముద్రం మీద చంద్రుడు

By ఎ సూర్యప్రకాశ్
|

Kavitha
సూర్యుణ్ణి దాచేసింది రాత్రి

అందని జాంపండులా

దోబూచులాడుతున్నాడు చంద్రుడు

సముద్రం వంపుల మీద వన్నెల

వెన్నెల హర్షం కురిపిస్తున్నాడు

ఉవ్వెత్తున లేచిన అలకన్నె సిగలో

విరజాజులు తురుముతున్నాడు

మనసొడ్డిన ఇసక వాలున

మిసమిసల పిసళ్లతో

మమతాక్షర సంతకం చేస్తున్నాడు

తరంగ ఘోషను సూక్ష్మీకరించి

నాద వేణువు నింపుతున్నాడు

అలుపెరుగని కడలి కడవ

తొణికిసలాడిస్తోంది అలలెన్నిటినో

ఇన్నిన్ని తీరుల విరబూసిన అందాల ముంగిట్లో

నా మనసులో నాకు తోడుగా

పరవశించే నేస్తం

సముద్రం మీది చంద్రుడు

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X