• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కాలం ఒక జలపాతం

By Pratap
|

Kasula Linga Reddy
నీకెప్పటికీ

సందేహమే

కాలాన్ని తొక్కుతూ

దూరాన్ని దాటుతున్నామా?

మనిషి గుండె చెరుపుని ఒరుసుకుంటూ

కాల రుధిరం ప్రవహిస్తోందా?

ఒకే ఒక్క సందిగ్ధానికి

అనేకానేక సమాధానాలు

కాలం కరిగి

అంచుల వెంట గడ్డకడుతున్నప్పుడు

కొవ్వొత్తుల వెలుగుల జిగజిగలు-

నిట్టనిలువునా పట్టపగలే

రక్తతర్పణాలు జరుగుతున్నప్పుడు

అర్థరాత్రి హిప్పీ కేక్ కట్టింగులు-

గత వైఫల్యాల కురుపుల సలుపులు

దాచేందుకు

మత్తు మందు చీకట్లో లోకం-

నాలుగు పదుల

కాల చక్రభ్రమణాల్లో

వికసించని కలల పూలు.

కాలం నీ పెంపుడు కుక్క కాదు

నిద్ర పుచ్చడానికి -

కాలం నువ్వేసినన రహదారి కాదు

ఘటనల బారికేడ్లతో కొలవడానికి -

కాలం సగం కొరికి

ఆకాశవీధిలో నువ్వు పారేసిన రొట్టె ముక్క కాదు

ఆకారం రూపు దిద్దుకోవడానికి -

కాలం నీ ఆక్వేరియంలో చేప పిల్ల కాదు

గాలానికి గుచ్చి ఎగరేయడానికి-

కాలం ఒక జలపాతం

ఎగిసిపడే ఒక వాల్కెనో

అభావాన్ని

అభావం చేసే తీరుతుంది

అస్తిత్వం

ఆకారం పొందే తీరుతుంది

- డాక్టర్ కాసుల లింగారెడ్డి

English summary

 proffessionally a pediatrician, dr Kasula Linga Reddy a prominent Telugu poet, writes about the time in his present poem.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X