• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలుగు కవి: అద్దంలోపల

By Pratap
|

నిటారుగా నిలబడిన గాజు అద్దం

చినుకుని జార్చినా ఆకులని విప్పార్చి చూపించినా

మనసులేని ప్రతిబింబాలు ఆసక్తిగా కనిపిస్తాయి

దేహం ముఖంతో నిలబడగానే

వెలుగు, మసక, నీడల తెరలు తొలగించుకుని

శరీరంలోకి ప్రవేశిస్తుంది

ఒక పరాకు ఒక చిరాకు

ఒక అందం ఒక సందేహం

వీధి తలుపు తోసుకువచ్చిన గాలిలా నిమురుతాయి

 Renuka Ayoala

కళ్లలో ఉన్న జీవితం

బుగ్గమీద నీటిచినుకులా జారుతూ ఆగిపోతుంది

విడిపోయిన జడపాయలు

బుజాలు వీడీ నేలని చేరుకున్న పమిట

ఏ కారణాన్ని వినిపించని ఏకాంతం

నడుము చుట్టూ బిగుసుకున్న చేతులు

ఎక్కడో దాక్కున్న చేతులు

వెలుతురులో ఆగిపోయిన చేతులు

ఆ క్షణాలని దులిపి పవిటలా వేసి

అంచులని సరిచేసి చెంపలపై చేతులానించాయి

సందేహంగానే

ఒక మైకం

శరీరంలోకి ప్రవేశించింది

ఎప్పటిది ఇది?

ఎన్ని సార్లు అడిగినా

నిజం చెప్పదు

నిటారుగా నిలబడ్ద గాజు అద్దం

ముఖం లేని ముఖంతో విసిగిస్తూ....

- రేణుక అయోల

English summary
A Telugu poet Renuka Ayoala in her present poem Addam Lopala (Inside the Mirror) depicts the feelings of a woman.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X