• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కవిస్వరం: నది కవిత

By Pratap
|

నది గురించి కవితలు చాలానే వచ్చాయి. కానీ, ఓ యువకవి పరిణతి చెందిన కవితను మనకు ఈ వారం కవిసంగమం ద్వారా అందించాడు. నదికీ జీవితానికీ పోలిక తెస్తూ ఆయన ఈ కవిత రాశాడు. ఈ కవిత ద్వారా పాఠకులకు అతను జీవిత పరమార్థాన్ని విప్పి చెప్పాడు. నది ప్రవహిస్తుందనే అందరమూ అనుకుంటాం. కానీ బండరాయి మీద నిలబడి చూస్తే నది ప్రవహిస్తుందనే భ్రమల్లోకి వెళ్తామని అంటున్నాడు సత్యగోపి.

అలా చెప్పడం ద్వారా కవి జీవితం ప్రవహించినట్లే కనిపిస్తుంది గానీ అది ఎక్కడికీ కదలదనే వాస్తవాన్ని చెబుతున్నాడా అనిపిస్తుంది. జీవితంలోని నది గానీ, నదిలాంటి జీవితం గానీ అంటాడు. అలా అనడం ద్వారా రెండింటికీ మధ్య ఉన్న అభేదాన్ని అతను మనకు చెబుతున్నాడు.

జీవితంలోని కష్టసుఖాలను, నదీప్రవాహం ఎత్తుపల్లాలను కూడా అతను పోల్చి చెబుతున్నాడు. ఈ కవిత ద్వారా కవి జీవన తాత్వికతను వెల్లడించాడు. సుఖసంతోషాలను కొలిచే తూనికరాళ్లు తయారు కాలేదేమోబననే సందేహాన్ని వ్యక్తం చేస్తాడు. మొత్తంగా మనకు సత్యగోపి ఓ మంచి కవితను అందించాడు.

- కాసుల ప్రతాపరెడ్డి

 Kavisangamam poet: Satya Gopi with his river

ఒక నది

అవతలొక తీరం ఇవతలొక తీరం

నదిని చూడాలంటే ముందుగా ఒక బండరాయిని

వెతుక్కోవాలి

దానిమీద నిలబడి చూస్తే ఆకాశం మీద

నది పారుతున్నట్టే ఉంటుందనీ భ్రమలోకెళ్తాం

అక్కడక్కడా నక్షత్రాల గులకరాళ్లను

మరిచిపోకూడదు

నది నృత్యం చేయడం తెలీదేమో

వంపుల దగ్గరికెళ్ళి తొంగి చూడగలగాలి

కొన్ని కన్నీళ్ళు ఎగసిపడుతుంటాయి చూశారా...!

మునిగి చూడండి మేఘాల్లో తలను ముంచినట్టుంటుంది

అపుడు కన్నీళ్ళుండవు

నదిలా మనం బ్రతుకుతున్నామని

అవగతమవుతుంది.

ప్రవహిస్తున్నపుడు

జీవితంలోని నదిగాని నదిలాంటి జీవితంగాని

ఎత్తుపల్లాలను

కష్టసుఖాలను

కొలిచే తూనికలు ఇంకా తయారుకాలేదేమో

అసలు నన్నడగకూడదు మీరు

నదిని ప్రేమించడం వెనక జీవితం ప్రవహిస్తుందని

- సత్యగోపి

22-03-2015

English summary
Satya gopi taking river as image described the voyage of man in the society.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X