డ్రగ్ మాఫియాతో హీరోలకు లింక్?
కాగా, తాజాగా తెలుగు సినిమాకు చెందిన నలుగురు హీరోలకు డ్రగ్ మాఫియాతో సంబంధాలున్నట్లు పోలీసులకు సమాచారం అందినట్లు తెలుస్తోంది. కొంత మంది నిర్మాతలకు, రాజకీయ నాయకులకు కూడా సంబంధాలున్నట్లు అనుమానిస్తున్నారు. కచ్చితమైన ఆధారాలతో డ్రగ్స్ మాఫియాతో సంబంధాలున్నవారిని అరెస్టు చేస్తామని పోలీసులు అంటున్నారు. గతంలోనే సినీ పరిశ్రమలోని పలువురు హీరోలకు, హీరోయిన్లకు డ్రగ్ మాఫియాతో సంబంధాలున్నట్లు ప్రచారం జరిగింది.
ఉదయ్ కిరణ్ వంటి హీరోలు, త్రిష వంటి హీరోయిన్లు తమపై వచ్చిన డ్రగ్స్ ఆరోపణలను ఖండించారు. అయితే, అప్పటి నుంచి పోలీసులు డ్రగ్ మాఫియాపై ఓ కన్నేసి ఉంచారు. అప్పట్లో వ్యభిచారం చేస్తూ వర్దమాన తారలు పోలీసులకు దొరికారు. ఈ వ్యభిచార వ్యవహారాలకు, డ్రగ్ మాఫియాకు గల సంబంధాలపై కూడా పోలీసులు ఆరా తీశారు. డ్రగ్ మాఫియాతో సెలిబ్రిటీల లింకులపై ఆషామాషీగా వ్యవహరించకూడదని పోలీసులు భావిస్తున్నారు. దీంతో ఒక్కొక్క అడుగే ముందుకు వేస్తున్నట్లు తెలుస్తోంది.