భానుకిరణ్తో తేజకు లింకులు?
దర్శకుడు సి.కళ్యాణ్కు కూడా భానుకిరణ్తో సంబంధాలు ఉన్నట్లు వార్తలు వచ్చాయి. సిసిఎస్ పోలీసులు గతంలో సి.కళ్యాణ్ను ఓ సారి విచారించారు. సి.కళ్యాణ్కు భానుకిరణ్తో కలిసి ఉమ్మడి ఆస్తులు ఉన్నట్లుగా తెలుస్తోంది. ఈ ఉమ్మడి ఆస్తులను చూపించి ఓ అగ్ర దర్శకుడిని కూడా కళ్యాణ్ మోసం చేసినట్లుగా తెలుస్తోంది. తన ఆస్తులను కుదువపెట్టి ఆ అగ్ర దర్శకుడి వద్ద కళ్యాణ్ రూ.7 కోట్లు తీసుకున్నాడని తెలుస్తోంది. అయితే ఆ తర్వాత అసలు విషయం తెలుసున్న అగ్ర దర్శకుడు అవాక్కయి పోయాడని సమాచారం. సదరు దర్శకుడు తన అప్పు తీర్చమని తన చుట్టూ తిరుగుతున్నప్పటికీ కళ్యాణ్ మాత్రం తప్పించుకు తిరుగుతున్నట్టు తెలుస్తోంది. కాగా ఇప్పటికే శింగనమల రమేష్ను చెన్నైలో అరెస్టు చేసిన పోలీసులు ఆయనను నాంపల్లి కోర్టులో ప్రవేశ పెట్టారు. ఆయనకు రెండు వారాల రిమాండును కోర్టు విధించింది. శింగనమల పేరుపై కూడా భాను ఆస్తులు ఉన్నట్లు పోలీసులు అనుమానిస్తున్న విషయం తెలిసిందే.