నారా వారి బుల్లోడు ఇతనే: దేవాంశుతో బ్రాహ్మణి
హైదరాబాద్: నారావారి బుల్లోడు సోషల్ మీడియాలో హల్చల్ చేస్తున్నాడు. నారా బ్రాహ్మణి, నారా లోకేష్ దంపతుల అబ్బాయి నారా దేవాంశు ఫోటోలు ప్రస్తుతం సామాజిక వెబ్ సైట్లలో హల్ చల్ చేస్తున్నాయి. నారావారి కుటుంబంలోకి వచ్చిన కొత్త సభ్యుడు నారా దేవాంశును చేతబట్టుకుని బ్రాహ్మణి దిగిన ఫొటోలు ఫేస్బుక్లో దర్శనమిచ్చాయి.
ఉగాది రోజున బ్రాహ్మణి పండంటి మగబిడ్డకు జన్మ ఇవ్వడంతో నారా లోకేష్ తండ్రి అయ్యారు. ఆంధ్రప్రదేశ్ ముఖ్యమంత్రి నారా చంద్రబాబు నాయుడు తాతయ్య అయ్యారు. నారా చంద్రబాబు నాయుడు, నందమూరి బాలకృష్ణలు మనవడు పుట్టాడనే ఆనందంలో ఉన్నారు.
అయితే అమరావతి నిర్మాణ శంకుస్థాపన, హిందూపురం అభివృద్ధిలో చంద్రబాబు నాయుడు తీరిక లేకుండా గడుపుతున్నారు. తన మనవడిని చూడడానికి కూడా తనకు సమయం దొరకడం లేదని ఓ సందర్భంలో చంద్రబాబు బహిరంగ సభలో చెప్పారు.
ఈ ఏడాది తమ కుటుంబ సభ్యుల ఆస్తుల వివరాలను నారా లోకేష్ మీడియాకు వెల్లడించారు. వచ్చే ఏడాది తన కుమారుడు దేవాంశు ఆస్తుల వివరాలు కూడా వెల్లడిస్తానని ఆయన చెప్పారు. నారా లోకేష్ అమరావతి శంకుస్థాపన కార్యక్రమంలో బిజీగా ఉన్న సమయంలో బ్రాహ్మణి తన ముద్దుల కొడుకుతో దిగిన ఫొటోలు ఫేస్బుక్కులో సందడి చేస్తున్నాయి.