By: Oneindia Telugu Video Team
Published : February 03, 2018, 12:54

తల్లిని చిత్రహింసలకు గురిచేసి ప్రాణాలు తీసేసాడు, వీడియో

Subscribe to Oneindia Telugu

అల్లారుముద్దుగా పెంచి పెద్ద చేసి ప్రయోజకుడ్ని చేస్తే.. ఓ కొడుకు తన తల్లిని వృద్ధాప్యంలో చిత్రహింసలకు గురిచేసి చివరకు ప్రాణాలు తీశాడు. ఈ దారుణ ఘటన రాజస్థాన్ రాష్ట్రంలోని అల్వార్‌లో చోటు చేసుకుంది. ఘటనకు సంబంధించిన వివరాల్లోకి వెళితే.. జోగేంద్ర చౌదరి స్థానికంగా ఓ స్కూల్‌లో ఆంగ్ల ఉపాధ్యాయుడిగా పని చేస్తున్నాడు . తండ్రి చనిపోవటంతో తల్లి(82) తన కొడుకు జోగేంద్ర వద్దకు చేరింది.
వయో భారం, కొద్ది రోజుల క్రితం పక్షవాతం సోకటంతో ఆమె సొంతగా పనులు చేసుకోలేకపోతోంది. దీంతో ఇంట్లో వాళ్ల సాయం తీసుకుంటోంది. ఈ క్రమంలోనే జోగేంద్రకు.. అతని భార్యకు తరచూ గొడవలు జరుగుతున్నాయి. భార్యపై కోపంతో జోగేంద్ర తరచూ తల్లిని హింసించటం ప్రారంభించాడు. ఆ బాధలను భరించలేక తొమ్మిది రోజుల క్రితం ఆ కన్నతల్లి కన్నుమూసింది.
కాగా, ఆమె మనవడు మాత్రం జోగేంద్ర ఓరోజు అతని తల్లిని హింసిస్తుండగా వీడియో తీసి సోషల్‌ మీడియాలో పోస్టు చేశాడు. జనవరి 18న తీసిన ఆ వీడియో వైరల్‌ అయి చివరకు ఫిబ్రవరి 2న ఈ విషయం పోలీసులకు చేరింది. ఘటనపై కేసు నమోదు చేసి దర్యాప్తు చేస్తున్నామని పోలీసులు తెలిపారు. జోగేంద్ర ఇంట్లో లేడని, అతని కోసం గాలిస్తున్నట్లు తెలిపారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా