By: Oneindia Telugu Video Team
Published : January 11, 2018, 03:20

అమిత్ షా ఫైర్: కన్నడ అనువాదంతో తుస్

Subscribe to Oneindia Telugu


బీజేపీ జాతీయ అధ్యక్షుడు అమిత్‌ షా కర్ణాటక ప్రభుత్వం, ఆ రాష్ట్ర ముఖ్యమంత్రి సిద్దరామయ్య మీద నిప్పులు చెరిగారు. సిద్దరామయ్య ప్రభుత్వం హిందూ వ్యతిరేక ప్రభుత్వమని, మత రాజకీయాలు చేస్తున్నారని బీజేపీ చీఫ్ అమిత్ షా విమర్శించారు. కర్ణాటకలోని చిత్రదుర్గ జిల్లా హోలల్ కేరెలో పర్యటించిన అమిత్ షా కర్ణాటకలోని కాంగ్రెస్ ప్రభుత్వం మీద హిందీలో తీవ్రస్థాయిలో విరుచుకుపడినా కన్నడ బాషలోకి అనువాదం చెయ్యడంతో అది తుస్సుమంది. కర్ణాటక ముఖ్యమంత్రి సిద్దరామయ్య ప్రభుత్వం ఓటు బ్యాంకు రాజకీయాలకు పాల్పడుతోందని అమిత్ షా ఆరోపించారు. భారత వ్యతిరేక సంస్థ అయిన సోషల్‌ డెమొక్రటిక్‌ పార్టీ ఆఫ్‌ ఇండియా (ఎస్ డీపీఐ) మీద నమోదైన కేసులు ఎందుకు ఎత్తివేశారని బీజేపీ చీఫ్ అమిత్ షా సీఎం సిద్దరామయ్య ప్రభుత్వాన్ని ప్రశ్నించారు.
కేంద్ర ప్రభుత్వం కర్ణాటకకు మంజూరు చేస్తున్న నిధులు ఎక్కడికి పోతున్నాయని, ఈ రాష్ట్రంలో కాంగ్రెస్ అధికారంలోకి రాకముందు పూరి గుడిసెల్లో ఉన్న ఆ పార్టీ కార్యకర్తలు ఇప్పుడు బహుల అంతస్తుల ఇళ్లు కట్టుకొన్నారని, ఇంటి ముందు ఖరీదైన కార్లు పార్క్‌ చేసుకుంటున్నారని, అవినీతికి పాల్పడకపోతే ఇవన్నీ ఎక్కడి నుంచి వచ్చాయని అమిత్‌ షా సీఎం సిద్దరామయ్యను ప్రశ్నించారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా