By: Oneindia Telugu Video Team
Published : November 16, 2017, 12:04

ఏపీ అగ్రిటెక్‌ సదస్సు-2017

Subscribe to Oneindia Telugu

భారత పరిశ్రమల సమాఖ్య, బిల్‌ అండ్‌ మెలిండా గేట్స్‌ ఫౌండేషన్‌తో కలిసి ఆంధ్రప్రదేశ్‌ ప్రభుత్వం ఏపీ అగ్రిటెక్‌ సదస్సు-2017ను బుధవారం విశాఖపట్నంలో ప్రారంభించింది. మూడు రోజులు జరిగే ఈ సదస్సుకు ముఖ్యఅతిథిగా ఉపరాష్ట్రపతి హాజరయ్యారు. సీఎం చంద్రబాబుతో కలిసి జ్యోతి ప్రజ్వలన చేసి కార్యక్రమాన్ని ప్రారంభించారు.
ఈ సందర్భంగా సీఎం మాట్లాడుతూ.. చిన్న రైతులకు మేలు చేయడానికి ఆధునిక సాంకేతిక పరిజ్ఞానాన్ని వారికి అందుబాటులోకి తేవడంపై దృష్టి పెట్టామన్నారు. ఏపీలో స్థూల జాతీయ ఉత్పత్తి 11.61 శాతం ఉందని, దీన్ని 15 శాతానికి తీసుకువెళ్లే లక్ష్యంతో పనిచేస్తున్నామని అన్నారు. దేశంలో 13 శాతం సముద్ర తీరప్రాంతం కలిగిన ఏపీలో ప్రస్తుతం ఆరు పోర్టులు ఉండగా, కొత్తగా మరో ఎనిమిది పోర్టులను అభివృద్ధి చేస్తున్నట్లు తెలిపారు. దేశంలోఏంతో మంది వ్యవసాయ రంగంపై ఆధారపడి జీవిస్తున్నారని, వారందరికీ మేలు చేయడానికే ఈ సదస్సు ఏర్పాటు చేశామన్నారు.
ఇక వెంకయ్య నాయుడు మాట్లాడుతూ. తనకి వ్యవసాయం అంటే చాలా ఇష్టమని, వ్యవసాయం లేకపోతే మనం లేమని స్పష్టం చేసారు. చాలామంది రైతులు వ్యవసాయం మానేసి వేరే పనుల వైపు మొగ్గు చూపుతున్నారని అలా జరిగితే పరిణామాలు తీవ్రంగా ఉంటాయని అన్నారు. కాబట్టి రైతులకు కావాల్సిన వసతులు గ్రహిస్తూ వాళ్ళను వెంట ఉండి నడిపించాలని, అందుకు కేంద్ర, రాష్ట్ర ప్రభుత్వాలు కలిసి పనిచేయాలని సూచించారు.

Please Wait while comments are loading...

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా