• search
  • Live TV
    By : Oneindia Telugu Video Team
    Published : December 30, 2017, 05:24
    Duration : 02:26

    పవన్‌ సీఎం కాలేరు: బాబుకు పదవీగండం ?

    జనసేన అధినేత, ప్రముఖ సినీనటుడు పవన్ కళ్యాణ్‌పై వివాదాస్పద జ్యోతిష్కుడు వేణుస్వామి సంచలన వ్యాఖ్యలు చేశారు. ఓ ప్రముఖ తెలుగు టీవీ ఛానల్ ఇంటర్వ్యూలో మాట్లాడుతూ.. పవన్ కళ్యాణ్ ఎట్టి పరిస్థితుల్లోనూ సీఎం కాలేడని, ఇందుకు ఆయన జాతకం సహకరించదని చెప్పారు. అయితే, ఆయనకు ప్రత్యర్థుల నుంచి గట్టి కౌంటర్లు రావడం ఆయన స్టూడియో నుంచి వెళ్లిపోవడం గమనార్హం. ఇప్పటికే సినీ క్రిటిక్ కత్తి మహేష్.. పవన్‌పై వ్యాఖ్యలు చేసి అభిమానుల నుంచి విమర్శలు ఎదుర్కొంటున్న విషయం తెలిసిందే.

    పవన్ కళ్యాణ్‌కు రాజభోగమే తప్ప.. రాజయోగం లేదని వేణు స్వామి వ్యాఖ్యానించారు. దీంతో స్పందించిన జనసేన కార్యకర్త కిరణ్ తీవ్రంగా విభేదించారు. ఇక ఆ సమయంలోనే డిస్కషన్ కు వచ్చిన జనవిజ్ఞానవేదిక సభ్యులు పీవీ రావు కలగజేసుకుని.. వేణు స్వామి వ్యాఖ్యలను తీవ్రంగా తప్పుబట్టారు. వేణుస్వామి మాటల గారడీలు చేస్తున్నారని, ప్రజల బలహీనతలను సొమ్ము చేసుకుంటున్నారని ఆరోపించారు.ఈ సమయంలో వేణు కల్పించుకుని.. తనను పవన్ కళ్యాణ్‌పై మాట్లాడాలని సదరు టీవీ ఛానల్ పిలిపించిందని, డిస్కషన్‌ను మారుస్తున్నారని ఆరోపించారు. అయితే, ఎన్నికలకు ఏడాదిన్నర ముందే పవన్ గురించి ఎలా చెబుతారని, గతంలో వెంకయ్యనాయుడు సీఎం అవుతారని తప్పుడు జోస్యం చెప్పారని చర్చవేదికలో పాల్గొన్న పీవీ రావు మండిపడ్డారు.

    ఈ చర్చలో పాల్గొన్న సినీ నటుడు వేణుమాధవ్.. తన డేటాఫ్ బర్త్ చెప్పి, తాను ఎమ్మెల్యేగా గెలుస్తానా? అని ప్రశ్నించాడు. తాను తెలంగాణ లేదా ఆంధ్రప్రదేశ్ రాష్ట్రం నుంచి పోటీ చేయాలనుకుంటున్నట్లు తెలిపారు. దీనికి వేణు స్వామి సమాధానం ఇస్తూ.. ఈ జాతకుడిని 2012 నుంచి అనారోగ్యం పీడిస్తోందని, లివర్ సమస్యలు వస్తాయని, సినిమా అవకాశాలు తగ్గుతాయని అన్నారు. 2020 వరకూ ఎమ్మెల్యే అవకాశం లేదన్నారు.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    మా అక్షరం మీ వీక్షణం తెలుగు వారి వన్ ఇండియా