By: Oneindia Telugu Video Team
Published : January 31, 2018, 05:52

రేపే బడ్జెట్: అధిక నిధులు కావాలన్న హోంశాఖ

Subscribe to Oneindia Telugu

దేశ ఆంతరంగిక భద్రతతోపాటు సరిహద్దుల్లో సైన్యానికి బాసటగా నిలుస్తున్న హోంశాఖ ముందు పలు సవాళ్లు ఉన్నాయి. సీమాంతర ఉగ్రవాదం, మిలిటెన్సీ, మావోయిస్టులు, సైబర్ అండ్ ఇన్ఫర్మేషన్ సెక్యూరిటీ సమస్యలు, అతివాదంతోపాటు ప్రక్రుతి వైపరీత్యాల నుంచి ప్రజల రక్షణకు చర్యలు చేపట్టాల్సి ఉన్నది. ఈ క్రమంలో హోంశాఖ సిబ్బందికి ఎప్పటికప్పుడు తర్ఫీదునిస్తూనే మరోవైపు నిరంతరం వారి సంక్షేమానికి చర్యలు తీసుకోవాల్సిన బాధ్యత ఉన్నది. అంతే కాదు టెక్నాలజీ అందుబాటులోకి వచ్చిన తర్వాత దాని వినియోగంపైనా శిక్షణ ఇవ్వడం.. సంప్రదాయ పద్దతుల్లో పోలీసుశాఖ విధుల నిర్వహణ కష్టతరంగా.. అసలు ఒక సవాల్‌గా, ప్రియంగా మారిందంటే అతిశయోక్తి కాదు. పోలీసు శాఖ ఆధునీకరణ, సైబర్ భద్రత, సున్నితమైన సమాచార డేటా తదితర అంశాలతోపాటు శాంతిబద్రతల పరిరక్షణ విధుల నిర్వహణకు నిధులతోపాటు ఎప్పటికప్పుడు సిబ్బంది నియామకం కీలకం అని హోంశాఖ చెబుతోంది. సమగ్ర చెక్ పోస్టులను ఏర్పాటు చేయడంతోపాటు సరిహద్దుల్లో వాణిజ్యం విస్తరణ, పొరుగు దేశాలతో ఆర్థిక సంబంధాల బలోపేతానికి అవకాశాలు ఉన్నాయి. ప్రత్యేకించి వామపక్ష తీవ్రవాదాన్ని నియంత్రించడానికి బహుళ అంచెల వ్యూహాన్ని అమలు చేయాల్సిన అవసరం ఉన్నది. అందునా సామాజిక పెట్టుబడులతోపాటు ఆర్థిక మౌలిక వసతులు కల్పించాల్సిన అవసరం ఉన్నది.
2016 - 17తో పోలిస్తే గతేడాది బడ్జెట్‌లో రూ.75,355 కోట్ల నుంచి రూ.83,823 కోట్ల నిదులు పెంచారు. ఇది 11శాతం పెరుగుదలే. అంతకుముందు 2014 - 15లో రూ.61,401.78 కోట్లు, 2015 - 16లో 65,651.10 కోట్లు పెంచారు. పెరిగిన ఈ నిధులతో అంతర్గత భద్రతా కవచం ఆధునీకరణకు హోంశాఖ దీర్ఘ కాలిక ప్రణాళిక అమలు చేస్తున్నది. ఇందుకు ఇంకొన్ని బడ్జెట్లలోనూ అధిక కేటాయింపులు అవసరం. ఈ నేపథ్యంలో వచ్చే ఆర్థిక సంవత్సరంలోనే అధిక నిధులు కేటాయించాలని కేంద్ర ఆర్థికశాఖకు హోంశాఖ విజ్నప్తి చేసింది. ఈశాన్య భారత రాష్ట్రాలు, జమ్ముకశ్మీర్ రాష్ట్రంలో సీమాంతర తీవ్రవాదానికి తోడు దేశీయంగా పలు రాష్ట్రాల్లో నక్సలిజం ప్రభావం ఎక్కువగా ఉన్నాయి. ఈశాన్య భారత రాష్ట్రాల్లో ఏ యేటికాయేడు మిలిటెంట్ కార్యక్రమాలు తగ్గుముఖం పట్టాయి. జమ్ముకశ్మీర్ లో సీమాంతర ఉగ్రవాదానికి తోడు సరిహద్దుల్లో పాక్ కాల్పుల విరమణ ఉల్లంఘనకు పాల్పడుతుండటంతో పరిస్థితి విషమిస్తున్నది. సరిహద్దుల్లో బంకర్ల నిర్మాణానికి నిధులు కేటాయించాల్సిన బాధ్యత కేంద్రానిదే.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా