By : Oneindia Telugu Video Team
Published : August 31, 2017, 06:09

నడిరోడ్డుపై వృద్ధులపై రెచ్చిన అంబటి రాయుడు, చేయి చేసుకున్నాడు

క్రికెటర్ అంబటి రాయుడు రౌడీయిజం ప్రదర్శించారంటూ మీడియాలో వార్తలు వస్తున్నాయి. ఓ సీనియర్ సిటిజన్ పైన ఆయన చేయి చేసుకున్నాడని తెలుస్తోంది. దీనిపై అంబటి రాయుడుపై విమర్శలు వెల్లువెత్తాయి. అయితే, రాయుడు, సదరు సీనియర్ సిటిజన్ ఇద్దరు కూడా పరస్పరం తిట్టుకున్నారు.
అంబటి రాయుడు హబ్సిగూడ జెన్ పాక్ కాలనీలో ఉంటున్నారు. ఈ ప్రాంతంలో సీనియర్ సిటిజన్లు మార్నింగ్ వాక్ చేస్తుంటారు. గురువారం సీనియర్ సిటిజన్లు మార్నింగ్ వాక్ చేస్తున్న సమయంలో అంబటి రాయుడు కారును వేగంగా నడుపుతూ వచ్చారు.
ఆ సమయంలో కారు ఓ సీనియర్ సిటిజన్‌కు తగిలింది. అప్పుడు అక్కడ ఉన్న మిగతా సీనియర్ సిటిజన్లు... అంబటి రాయుడును ప్రశ్నించారు. ఇలా వేగంగా వెళ్తే ఎలాగని, వేగంగా వెళ్తుండటం వల్ల ఒకరికి గాయాలయ్యాయని నిలదీశారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా