By : Oneindia Telugu Video Team
Published : December 19, 2017, 01:44

స్పాల్లో కండోమ్స్?


స్పాలకు సైబరాబాద్ పోలీసు కమిషనర్ సందీప్ శాండిల్య హెచ్చరికలు జారీ చేశారు. స్పాల్లో కండోమ్స్ కనిపిస్తే వాటిని మూసేస్తామని హెచ్చరించారు. బార్లు, పబ్బులు, వైన్ షాపులు, స్పాల యాజమాన్యాలు నిబంధనలు అతిక్రమిస్తే చట్టపరమైన చర్యలు తీసుకుంటామని అన్నారు. సైబరాబాద్ పరిధిలోని బార్లు, పబ్బులు, వైన్ షాపులు, స్పాల యాజమాన్యాలు, మేనేజర్లతో సోమవారం ఆయన సమావేశం నిర్వహించారు. ఇటీవల కాలంలో మసాజ్ సెంటర్లు, పార్లర్లలో అసాంఘిక కార్యకలాపాలు కొనసాగిస్తుండడం ఆందోళనకరమని సందీప్ శాండిల్య అన్నారు.
మసాజ్ సెంటర్లు నిర్వహించడంపై తమకు ఎలాంటి అభ్యంతరం లేదని, అయితే నియమ నిబంధనలను తప్పక పాటించాలని సందీప్ శాండిల్య అన్నారు. మసాజ్ సెంటర్లను మసాజ్ సెంటర్లుగానే కొనసాగించాలని, వీటి ముసుగులో వ్యభిచారం, చట్ట వ్యతికేక కార్యకలాపాలకు పాల్పడితే చట్టరిత్యా నేరమని చెప్పారు.
స్పాలలో తప్పనిసరి రిజిస్టర్లు ఉంచాలని సందీప్ శాండిల్య చెప్పారు. ఇందులో స్పాలకు వచ్చే వారి పేరు, ఫోన్ నంబర్లను విధిగా నమోదు చేయాలని ఆదేశించారు. స్పాలలో బెడ్ల వాడకం అవసరం లేదన్నారు.సాధ్యమైనంత వరకూ క్రాస్ మసాజ్‌కు అనుమతించవద్దని అన్నారు.
18 ఏళ్ల వయసు కు తక్కువ ఉన్నవారిని అనుమతించవద్దని సందీప్ శాండిల్య సూచించారు. తప్పనిసరిగా సిసి కేమరాలు ఏర్పాటు చేసుకోవాలన్నారు. విజిటింగ్ వీసాలపై వచ్చిన ఇతర దేశాల వారిని స్పాలల్లో నియమించుకోవద్దన్నారు. స్పాలల్లో తలుపులు పారదర్శకంగా ఉండాలన్నారు. తలుపులకు ఎలాంటి బోల్టులను బిగించరాదన్నారు. వీలుంటే గాజు పార్టిషన్ లను ఏర్పాటు చేసుకోవాలన్నారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా