By : Oneindia Telugu Video Team
Published : March 29, 2018, 03:54

వాళ్లు తప్పిదమే చేశారు...అయితే వాళ్లు చెడ్డవాళ్లు మాత్రం కాదు

బాల్ టాంపరింగ్‌కు పాల్పడి దేశం పరువు తీసిన స్మిత్, వార్నర్, బాన్‌క్రాఫ్ట్‌లపై ఆస్ట్రేలియా క్రికెట్ (సీఏ) చర్యలు తీసుకున్న అనంతరం డారెన్ లీమన్ మీడియాతో మాట్లాడుతూ 'ఎంతోమంది అభిమానుల నమ్మకాన్ని వమ్ము చేశాం. నా మనసు లోతుల్లోంచి వారందరికీ క్షమాపణలు చెబుతున్నాను. నేను ఆ ముగ్గురి మానసిక పరిస్థితి గురించే (స్మిత్, వార్నర్, బాన్‌క్రాఫ్ట్‌) ఆందోళన చెందుతున్నాను' అని అన్నాడు.
'స్మిత్, వార్నర్, బాన్‌క్రాఫ్ట్‌ తీవ్రమైన తప్పిదమే చేశారు. అయితే వాళ్లు చెడ్డవాళ్లు మాత్రం కాదు. అభిమానులు వారికి రెండో అవకాశం ఇవ్వాలని కోరుతున్నాను' ఈ మాటలన్నది ఎవరో కాదు ఆస్ట్రేలియా జట్టు హెడ్ కోచ్ డారెన్ లీమన్.
ప్రస్తుతం మేము ఆడుతున్న తీరును మార్చుకోవాల్సిన అవసరం ఉంది. మళ్లీ అభిమానుల మద్దతు, అభిమానం సంపాదించుకోవాల్సిన పరిస్థితి ఏర్పడింది. స్మిత్, వార్నర్, బాన్‌క్రాఫ్ట్‌ తీవ్రమైన తప్పిదమే చేశారు. అయితే వాళ్లు చెడ్డవాళ్లు మాత్రం కాదు. అభిమానులు వారికి రెండో అవకాశం ఇవ్వాలని కోరుతున్నాను' అని లీమన్ ఆసీస్ అభిమానులను ఉద్దేశించి వ్యాఖ్యానించాడు.
స్టీవ్ స్మిత్, డేవిడ్ వార్నర్‌లు ఆస్ట్రేలియాకు రెండేళ్ల పాటు కెప్టెన్సీ బాధ్యతలు చేపట్టకుండా కూడా నిషేధం విధిస్తూ సీఏ సీఈఓ జేమ్స్ సదర్లాండ్ బుధవారం ప్రకటన వెలువరించాడు.
క్రికెట్ ఆస్ట్రేలియా చేసిన మరో ప్రకటన డేవిడ్ వార్నర్ భవిష్యత్‌ను ప్రశ్నార్థకంలోకి నెట్టింది. నిషేధ సమయంలో స్మిత్, బాన్‌క్రాఫ్ట్‌ను క్లబ్ క్రికెట్‌లోనూ నాయకత్వ బాధ్యతలు స్వీకరించేందుకు అర్హులు కాదని పేర్కొంది. డేవిడ్ వార్నర్ మాత్రం ఎప్పటికీ కెప్టెన్సీ చేపట్టే అవకాశం లేదని క్రికెట్ ఆస్ట్రేలియా తేల్చి చెప్పింది.
భవిష్యత్‌లో ఒకవేళ వార్నర్‌ను కెప్టెన్సీకి పరిగణించాలంటే అభిమానులు, దేశ ప్రజలు, క్రికెట్ అధికారుల మద్దతు ఉంటేనే అది సాధ్యపడుతుందని కూడా పేర్కొంది. దక్షిణాఫ్రికాతో శుక్రవారం నుంచి జరుగబోయే నాలుగో టెస్టుకు ఈ ముగ్గురి స్థానంలో రెన్‌షా, బర్న్స్, మ్యాక్స్‌వెల్ జట్టులో చేరారు. స్టీవ్ స్మిత్ స్థానంలో ఆస్ట్రేలియా జట్టు కెప్టెన్‌గా టిమ్ పైనీకి సారథ్య బాధ్యతలు అప్పగించారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా