By : Oneindia Telugu Video Team
Published : October 27, 2017, 11:39

ప్లాన్ చేసి టామ్ లాథమ్‌ని అవుట్ చేసిన ధోని

మహేంద్ర సింగ్ ధోని తన కెప్టెన్సీకి వీడ్కోలు పలికినప్పటికీ భారత జట్టులోని ఆటగాళ్లు మాత్రం ఇప్పటికీ తమ కెప్టెన్ ధోనియే అంటున్నారు. అలా ఆటగాళ్లు చెప్పడంలో తప్పులేదు. ఎందుకంటే కెప్టెన్సీ నుంచి తప్పుకున్నా... ధోని మాత్రం ఇప్పటికీ కెప్టెన్‌‌లానే మైదానంలో ఫీల్డింగ్ సెట్ చేసి, బౌలర్లకి సూచనలు చేస్తుంటాడు.
మూడు వన్డేల సిరిస్‌లో భాగంగా ఆదివారం వాంఖడె స్టేడియంలో జరిగిన తొలి వన్డేలో స్వీప్, రివర్స్ స్వీప్‌లతో సెంచరీని నమోదు చేసి టామ్ లాథమ్ కివీస్ విజయంలో కీలకపాత్ర పోషించిన సంగిత తెలిసిందే. ఈ నేపథ్యంలో రెండో వన్డేలో టామ్ లాథమ్‌ని అవుట్ చేసేందుకు ధోని వ్యూహం రచించాడు.
ఇందులో భాగంగా కెప్టెన్ విరాట్ కోహ్లీతో పాటు భారత బౌలర్లకి ధోని సూచనలిస్తున్న మాటలు కొన్ని స్టంప్‌ మైక్‌లో రికార్డు అయ్యాయి. అందులో మిడ్ వికెట్, స్కైర్ లెగ్ దిశగా ఇద్దరు లేదా ముగ్గురు ఫీల్డర్లని ఉంచాలంటూ సూచనలు ధోని సూచనలు చేశాడు. అంతేకాదు కేదార్ జాదవ్ బౌలింగ్ చేస్తున్న సమయంలో టామ్‌ లాథమ్‌కి ఎటువంటి బంతులు వేయాలో కూడా హిందీలో చెప్పాడు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా