By : Oneindia Telugu Video Team
Published : December 02, 2017, 05:37

హెచ్1బీ వీసాపై అమెరికా

భారతీయ ఐటీ కంపెనీలతోపాటు అమెరికాకు వెళ్లాలనుకునే భారతీయులకు ఇది ఖచ్చితంగా శుభవార్తే. హెచ్‌-1బీ వీసాపై కఠినతరమైన నిబంధనలు తీసుకురాబోతున్నారంటూ తీవ్ర ఆందోళనలు వెల్లువెత్తిన క్రమంలో అమెరికా తాజా ప్రకటనకు ప్రాధాన్యత సంతరించుకుంది. ప్రస్తుతమున్న హెచ్‌-1బీ వీసా విధానంలో ఎలాంటి మార్పులు చేయలేదని అమెరికా ప్రభుత్వం శుక్రవారం ప్రకటించింది. ముందస్తు ఉన్న విధానమే కొనసాగుతుందని స్పష్టం చేసింది. దక్షిణ ఆసియాకు చెందిన డిప్యూటీ అసిస్టెంట్‌ సెక్రటరీ థామస్ వాజ్డ ఈ విషయాన్ని వెల్లడించారు.
అమెరికాలోని హెచ్‌-1బీ వీసా విధానపు చట్టంలో ఎలాంటి మార్పు లేదు. హెచ్‌-1బీ వీసా విధానాన్ని సమీక్షించాలని అమెరికా అధ్యక్షుడు డొనాల్డ్‌ ట్రంప్‌ ఆదేశించారు. కానీ, ఇప్పటి వరకు ఎలాంటి చర్యలు తీసుకోలేదు ' అని ఆయన తెలిపారు. బెంగాల్‌ ఛాంబర్‌ ఆఫ్‌ కామర్స్‌ అండ్‌ ఇండస్ట్రీ మెంబర్ల ఇంటరాక్టివ్‌ సెషన్‌లో వాజ్డ ఈ విషయాన్ని తెలిపారు. చట్టంలో చాలా మార్పులు తీసుకురావాలని అనుకున్నారు. చాలా కేసుల్లో మార్పులు తీసుకురావాల్సినవసరం కూడా ఉంది. కానీ, హెచ్‌-1బీల్లో మార్పుల కొరకు ఇప్పటివరకు ఎలాంటి చట్టాన్ని తీసుకురాలేదు. గతంలో ఉన్నదే కొనసాగుతోంది' అని వాజ్డ తెలిపారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా