By: Oneindia Telugu Video Team
Published : December 22, 2017, 06:03

వణికిస్తున్న చలిపులి: కారణం ఇదీ...

Subscribe to Oneindia Telugu

తెలంగాణ రాష్ట్ర రాజధాని హైదరాబాదును చలిపులి వణికిస్తోంది. గత ఆరేళ్ల కాలంలో ఇంత తక్కువ ఉష్ణోగ్రత హైదరాబాదులో ఎప్పుడూ నమోదు కాలేదు. బుధవారంనాడు హైదరాబాదులో 10.8 డిగ్రీల సెల్సియస్ ఉష్ణోగ్రత నమోదైంది. వచ్చే నాలుగైద రోజులు ప్రయాణికులు జాతీయ రహదారులపై అప్రమత్తంగా వ్యవహరించాలని వాతావరణ పరిశోధన కార్యాలయం అధికారులు హెచ్చరించారు. పొగమంచు కళ్లు గప్పే ప్రమాదం ఉందని అంటున్నారు.

ఆదిలాబాద్ జిల్లా కాశ్మీర్‌ను తలపిస్తున్న విషయం తెలిసిందే. తెలంగాణలోని పలు ప్రాంతాల్లో, హైదరాబాద్ సహా చలి గాలులు వీస్తున్నాయి. ఖమ్మం, భద్రాచలం, ఆదిలాబాద్, మెదక్, నిజామాబాద్, కరీంనగర్ ఉమ్మడి జిల్లాల్లో చలి గాలులు భీతి గొల్పుతున్నాయి.
సూర్యోదయం కావడానికి ముందు హైదరాబాదులో చలి గరిష్టంగా ఉంటుంది లేదా ఉష్ణోగ్రత కనిష్టంగా నమోదవుతుంది. సూర్యాస్తమయం తర్వాత వేడిగా ఉంటుంది. పగలంతా సోలార్ రేడియేషన్ కారణంగా భూమి వేడెక్కడం వల్ల సాయంత్రానికి చలి తగ్గుతుంది.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా