By: Oneindia Telugu Video Team
Published : November 29, 2017, 11:35

తొలి మెట్రో రైలును నడిపింది తెలంగాణ అమ్మాయే!

Subscribe to Oneindia Telugu


నగరంలో మొదలైన మొదటి 'మెట్రో రైలు'ను నిజామాబాద్‌ జిల్లాకు చెందిన సుప్రియా సనమ్‌ నడిపారు.. భాగ్యనగర ప్రజల కలల ప్రాజెక్ట్‌ అయిన మెట్రో రైలును ప్రధానమంత్రి నరేంద్ర మోడీ మంగళవారం ప్రారంభించిన సంగతి తెలిసిందే. ప్రారంభం అనంతరం ప్రధాని మోడీ కూడా ఈ మెట్రోరైలు ఎక్కి మియాపూర్‌ నుంచి కూకట్‌పల్లి వరకూ ప్రయాణించారు. తిరిగి అదే రైలులో ఆయన మియాపూర్‌కు చేరుకున్నారు. సుప్రియతో పాటు మరో ముగ్గురు మహిళా డ్రైవర్లు హైదరాబాద్‌ మెట్రో రైలు ప్రాజెక్ట్‌లో ఉన్నారు. వీరిలో వరంగల్‌కు చెందిన కె.సింధుజ, మహబూబ్‌నగర్‌ జిల్లా అమిస్తాపూర్‌ మండలం బలిజపేటకు చెందిన బి.వెన్నెల, హైదరాబాద్‌కు చెందిన జి.ప్రణయ ఉన్నారు.
ఇక బుధవారం నుంచి మెట్రో సేవలు సామాన్యులకు అందుబాటులోకి రావడంతో తెల్లవారుజాము నుంచే ఆయా స్టేషన్ల వద్ద రద్దీ కనిపించింది. తొలిసారిగా మెట్రో రైల్లో ప్రయాణం కోసం నగర ప్రజలు ఆత్రుతగా ఎదురుచూస్తుండటంతో మొదటి రోజు రద్దీ ఎక్కువగానే ఉంటుందని భావిస్తున్నారు.
ప్రతీరోజు ఉదయం 6గం. నుంచి రాత్రి 10గం. వరకు మెట్రో రైలు సేవలు అందుబాటులో ఉండనున్నాయి. క్రమ క్రమంగా మెట్రో రైలు వేళలను పెంచనున్నారు. బుధవారం నుంచి మెట్రో రైల్లో ప్రయాణం అందుబాటులోకి రావడంతో.. చాలామంది ప్రయాణికులు ఉదయం 5గం.కే మెట్రో స్టేషన్లకు చేరుకున్నారు. ప్రయాణికులు ముందే వస్తారన్న విషయాన్ని గుర్తెరిగి ఉదయం 5గం. నుంచే అధికారులు స్మార్ట్ కార్డ్ కౌంటర్స్ ఓపెన్ చేశారు.

Please Wait while comments are loading...

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా