By: Oneindia Telugu Video Team
Published : November 04, 2017, 02:51

టీ20 సిరిస్‌పై కన్నేసిన కోహ్లీసేన

Subscribe to Oneindia Telugu


మూడు టీ20ల సిరిస్‌లో భాగంగా ఢిల్లీలో జరిగిన తొలి టీ20లో 53 పరుగుల తేడాతో గెలిచిన కోహ్లీసేన టీ20 సిరిస్‌పై కన్నేసింది. రాజ్‌కోట్‌ వేదికగా శనివారం జరిగే రెండో టీ20లో గెలిచి సిరీస్‌ కైవసం చేసుకోవాలని భావిస్తోంది. మరోవైపు తొలి టీ20లో విఫలమైన కివీస్‌ ఈ మ్యాచ్‌లో ఎలాగైనా సరే గెలవాలనే కసితో ఉంది. రాజ్ కోట్‌లోని సౌరాష్ట్ర క్రికెట్ అసోసియేషన్ స్టేడియంలో శనివారం రాత్రి 7 గంటలకు ఇరు జట్ల మధ్య రెండో టీ20 ఆరంభం కానుంది. కివీస్‌తో తొలి టీ20లో విజయం సాధించి పదేళ్ల నిరీక్షణకు భారత్ తెరదించిన సంగతి తెలిసిందే. శనివారం నాటి మ్యాచ్‌లో టీమిండియా గెలిస్తే ఇంకో మ్యాచ్ మిగిలుండగానే సిరీస్‌ను సొంతం చేసుకుంటుంది.
ఇందులో భాగంగా శుక్రవారం నెట్స్‌లో తీవ్రంగా శ్రమించింది. మరోవైపు న్యూజిలాండ్ సైతం రెండో టీ20 కోసం ప్రత్యేకంగా వ్యూహాలు సిద్ధం చేసుకుంటుంది. రెండో టీ20 జరిగే రాజ్‌కోట్ స్టేడియంలో ఇప్పటివరకు కేవలం ఒక అంతర్జాతీయ టీ20 మాత్రమే జరిగింది. 2013లో ఆసీస్‌తో జరిగిన టీ20లో భారత్ జట్టు ఆరు వికెట్ల తేడాతో విజయం సాధించింది.

Please Wait while comments are loading...

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా