By: Oneindia Telugu Video Team
Published : February 12, 2018, 05:23

రికార్డులపై కన్నేసిన స్పిన్నర్లు

Subscribe to Oneindia Telugu


మూడు టెస్టు మ్యాచ్‌ల సిరిస్‌ను 2-1తో చేజార్చుకున్న కోహ్లీసేన, ఆ తర్వాత ఆరంభమైన ఆరు వన్డేల సిరిస్‌లో పుంజుకున్న తీరు నిజంగా అద్భుతం. ప్రస్తుతం ఆరు వన్డేల సిరిస్‌లో టీమిండియా 3-1 ఆధిక్యంలో ఉంది. ఇరు జట్ల మధ్య ఐదో వన్డే పోర్ట్ ఎలిజిబెత్ వేదికగా మంగళవారం జరగనుంది. ఈ వన్డేలో టీమిండియా కెప్టెన్ విరాట్ కోహ్లీతో పాటు మణికట్టు స్పిన్నర్లు కుల్దీప్ యాదవ్, యజువేంద్ర చాహల్ అరుదైన రికార్డులను సొంతం చేసుకోనున్నారు. ఈ వన్డేలో టీమిండియా విజయం సాధిస్తే సఫారీ గడ్డపై తొలిసారి వన్డే సిరిస్‌ను సొంతం చేసుకున్న కెప్టెన్‌గా కోహ్లీ చరిత్ర సృష్టిస్తాడు.
గడచిన 25 ఏళ్లలో సఫారీ గడ్డపై భారత జట్టు ఒక్క ద్వైపాక్షిక సిరిస్‌ను కూడా గెలవలేదు. అయితే, ఇప్పుడు ఈ సువర్ణావకాశం కోహ్లీసేనకు దక్కింది. ఆరు వన్డేల సిరిస్‌లో ఇంకా రెండు వన్డేలు మిగిలున్నాయి. ఈ రెండు వన్డేల్లో ఏ ఒక్క వన్డేలో అయినా భారత జట్టు విజయం సాధిస్తే సపారీ గడ్డపై కోహ్లీసేన చరిత్ర సృష్టిస్తుంది. ఇక, ఐదో వన్డేలో విరాట్ కోహ్లీ వ్యక్తిగతంగా కూడా ఓ అరుదైన మైలురాయిని సొంతం చేసుకుంటాడు.
ఐదో వన్డేలో కోహ్లీ గనుక 6 పరుగులు చేస్తే దక్షిణాఫ్రికా జట్టుపై వన్డేల్లో 1109 పరుగులు చేసిన టీమిండియా మాజీ కెప్టెన్ మహమ్మద్ అజహరుద్దీన్ రికార్డుని అధిగమిస్తాడు. అంతేకాదు నాలుగో వన్డేలో 83 బంతుల్లో 75 పరుగులు చేసిన కోహ్లీ భారత్‌ తరఫున అత్యధిక వన్డే పరుగులు సాధించిన టాప్‌-5 ఆటగాళ్ల జాబితాలో చేరాడు. ఈ జాబితాలో సచిన్‌(18,426), గంగూలీ(11,363), ద్రవిడ్‌(10,889), ధోని(9,954) వరుసగా తొలి నాలుగు స్థానాల్లో ఉన్నారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా