By: Oneindia Telugu Video Team
Published : November 17, 2017, 03:14

India @ 74/5 :చెత్త రికార్డు

Subscribe to Oneindia Telugu


కోల్‌కతాలోని ఈడెన్ గార్డెన్స్‌లో శ్రీలంకతో జరుగుతున్న తొలి టెస్టులో టీమిండియా కష్టాల్లో పడింది. ముఖ్యంగా శ్రీలంక బౌలర్లు భారత టాపార్డర్‌ను కుప్పకూల్చారు. ఈ టెస్టులో టీమిండియా కేవలం 30 పరుగులకే నాలుగు కీలక వికెట్లు కోల్పోయింది. తద్వారా కోహ్లీసేన ఓ చెత్త రికార్డుని నమోదు చేసింది.
ఏడేళ్ల తర్వాత భారత్ స్వదేశంలో 30 అంతకంటే తక్కువ పరుగులకు నాలుగు వికెట్లు కోల్పోవడం ఇదే తొలిసారి. చివరిసారి 2010లో న్యూజిలాండ్‌తో అహ్మదాబాద్‌లో జరిగిన టెస్టులో భారత్ 15 పరుగులకే నాలుగు వికెట్లు కోల్పోయింది. 17/3 ఓవర్‌నైట్‌ స్కోరుతో రెండో రోజైన శుక్రవారం ఆట ప్రారంభించిన భారత్ కష్టాల్లో పడింది.
లంచ్ విరామానికి ముందే రెండు కీలక వికెట్లు చేజార్చుకుంది. ఈ మ్యాచ్‌లో నిలుస్తాడని నమ్మకం పెట్టుకున్న రహానె (4) జట్టు స్కోరు 30 వద్ద పెవిలియన్‌ చేరాడు. శ్రీలంక బౌలర్ షనకా వేసిన 17.2వ బంతికి పేలవ షాట్‌ ఆడి డిక్వెలాకు క్యాచ్‌ ఇచ్చాడు. రహానే అవుటైన తర్వాత క్రీజులోకి అశ్విన్ వచ్చాడు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా